Nastaŭnica ruskaj movy ź Lidy padrychtavała ŭžo 16 stobalnikaŭ na CE
Nastaŭnica ruskaj movy i litaratury himnazii № 1 u Lidzie Taćciana Hłyzdova padrychtavała ŭžo 16 vypusknikoŭ, jakija nabrali 100 bałaŭ na centralizavanym ekzamienie pa ruskaj movie, piša Times.by.
Pra niezvyčajnaje dasiahnieńnie piedahoha paviedamiła kiraŭnica ŭpraŭleńnia adukacyi Lidskaha rajvykankama Volha Tarasiuk. Pavodle słoŭ čynoŭnicy, heta pakul papiaredniaja kolkaść stobalnikaŭ, a paśla padviadzieńnia kančatkovych vynikaŭ sioletniaha ekzamienu jana moža i pavialičycca.
Taćciana Hłyzdova pracuje ŭ lidskaj himnazii № 1 z 1995 hoda. Jana pryjšła tudy pa raźmierkavańni paśla zakančeńnia Hrodzienskaha dziaržaŭnaha ŭniviersiteta imia Janki Kupały. Za hady pracy nastaŭnica vypracavała ŭłasnuju sistemu navučańnia, jakaja hruntujecca na hłybokim zasvajeńni tearetyčnaha materyjału i vykanańni składanych niestandartnych zadańniaŭ, što patrabujuć ad vučniaŭ umieńnia analizavać, paraŭnoŭvać i rabić vysnovy.
Raniej paviedamlałasia, što ŭ hetym hodzie centralizavany ekzamien pa ruskaj movie zdavali kala 48,5 tysiačy adzinaccacikłaśnikaŭ, ź jakich 1301 čałaviek atrymaŭ 100 bałaŭ.
Dziaržaŭnyja movy na 100 bałaŭ zdali bolš za 1400 čałaviek. Bolš čym na 90% heta ruskaja
100 bałaŭ na centralizavanym ekzamienie atrymali 638 vypusknikoŭ
Anulavali vyniki na CT školnaha vydatnika, jaki apublikavaŭ fotazdymki testavych zadańniaŭ
«U nas mizernaja kolkaść tych, chto biare svabodnyja dypłomy». Čynoŭnica Minzdaroŭja prakamientavała admienu płatnaha navučańnia ŭ miedycynskich VNU
Kamientary
lepš by jana na svajoj histaryčnaj radzimie takich viaršyń dasiahała
zrazumiejuć, jak zaŭždy adzinki, ale heta i dobra
u muža (etničnaha russkaha) peŭna dyśleksija. jon amal nie čytaŭ, i nivodnaha słova pa-russku biez pamyłak nie moža napisać.. heta časam tak śmiešna) u savieckija časy pra dyśleksiju kaniečnie ž nichto nie viedaŭ.. a ŭ vypadku muža situacyja aciahčałasia jašče i tym, što abiedźvie babuli ŭ jaho byli nastaŭnicy rasiejskaj movy i litaratury (pryčym adna ź ich była z kankretnym takim biełaruskim akcentam. jana z pskoŭskaj vobłaści była. ale niavažna)) dyk voś. letnija kanikuły (i nie tolki kanikuły) muža pieraŭtvaralisia trochi ŭ ad... nu možacie sabie ŭjavić? babuli namahalisia vymuštravać jaho pravilna pisać pa-riusski, a ŭ vypadku z dyśleksijaj heta amal niemahčyma..
dyk, kali pryjšoŭ čas školnyja ekzamieny zdavać, i možna było vybrać, jakuju movu zdavać, muž vybraŭ biełaruskuju. i cudoŭna zdaŭ.
darečy i anhielskaja jamu davałasia dobra (jon vučyŭsia ŭ škole z anhielskim uchiłam), ale voś "rodnaja" russkaja... :// )