A naohuł 60% zatrymanych — ludzi z vyšejšaj adukacyjaj.
Pastupaje nieaficyjnaja infarmacyja ab hramadzianach, zatrymanych 22 červienia ŭ centry Minska. U pryvatnaści, za ŭdzieł u maŭklivaj akcyi pratestu ŭ Minsku buduć sudzić top-mieniedžara bujnoj staličnaj firmy. Pra heta BiełaPAN paviedamiŭ jaho ziać. Mužčyna paprasiŭ nie nazyvać ni svajho, ni svajaka imia i proźvišča.
Jon raspavioŭ, što jaho i cieścia supracoŭniki milicyi zatrymali prykładna ŭ 19.15 kala HUMa i zatym dastavili ŭ RUUS Maskoŭskaha rajona. Usiaho tam znachodzilisia 32 čałavieki. Miarkujučy pa pierakličcy,
prykładna 60% zatrymanych -- heta ludzi z vyšejšaj adukacyjaj.Byli studenty, siamiejnyja pary. Usich zdymali na videa, pierapisvali dadzienyja, u tym liku i IMEI-kody mabilnych telefonaŭ, bolšuju častku ludziej abšukali.
Pa słovach surazmoŭcy ahienctva, jaho adpuścili ŭ 2.30 23 červienia, paśla taho jak źniali na videa i ŭziali adbitki palcaŭ, chacia jany ŭ bazie dadzienych užo jość. Cieść zastaŭsia ŭ RUUS, na jaho pavinny byli skłaści pratakoł, chutčej za ŭsio, za drobnaje chulihanstva. Taki rozny padychod da zatrymanych surazmoŭca patłumačyŭ tym, što cieść źjaŭlajecca kiraŭnikom, top-mieniedžaram i ŭmieje stavić niepryjemnyja pytańni. Tak, u milicyjantaŭ jon pytaŭsia, na padstavie čaho ich zatrymali, čamu nielha karystacca mabilnymi telefonami i h.d.
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary