А наогул 60% затрыманых — людзі з вышэйшай адукацыяй.
Паступае неафіцыйная інфармацыя аб грамадзянах, затрыманых 22 чэрвеня ў цэнтры Мінска. У прыватнасці, за ўдзел у маўклівай акцыі пратэсту ў Мінску будуць судзіць топ-менеджара буйной сталічнай фірмы. Пра гэта БелаПАН паведаміў яго зяць. Мужчына папрасіў не называць ні свайго, ні сваяка імя і прозвішча.
Ён распавёў, што яго і цесця супрацоўнікі міліцыі затрымалі прыкладна ў 19.15 каля ГУМа і затым даставілі ў РУУС Маскоўскага раёна. Усяго там знаходзіліся 32 чалавекі. Мяркуючы па пераклічцы,
прыкладна 60% затрыманых -- гэта людзі з вышэйшай адукацыяй.Былі студэнты, сямейныя пары. Усіх здымалі на відэа, перапісвалі дадзеныя, у тым ліку і IMEI-коды мабільных тэлефонаў, большую частку людзей абшукалі.
Па словах суразмоўцы агенцтва, яго адпусцілі ў 2.30 23 чэрвеня, пасля таго як знялі на відэа і ўзялі адбіткі пальцаў, хаця яны ў базе дадзеных ужо ёсць. Цесць застаўся ў РУУС, на яго павінны былі скласці пратакол, хутчэй за ўсё, за дробнае хуліганства. Такі розны падыход да затрыманых суразмоўца патлумачыў тым, што цесць з'яўляецца кіраўніком, топ-менеджарам і ўмее ставіць непрыемныя пытанні. Так, у міліцыянтаў ён пытаўся, на падставе чаго іх затрымалі, чаму нельга карыстацца мабільнымі тэлефонамі і г.д.
-
Акунін расказаў, што неабходна, каб выжыць, калі ты застаўся ў кепскай краіне
-
64‑гадовага віцэ-чэмпіёна па аўтаспорце кінулі ў калонію за палітыку. Арыштавалі пасля вяртання з-за мяжы
-
Ціханоўская да 15‑й гадавіны трагедыі ў мінскім метро: Сёння — дзень памяці і болю, які жыве ў нашых сэрцах ужо 15 гадоў
Цяпер чытаюць
Паступова выйшлі на волю арыштаваныя па «Справе кнігароў». Акрамя аднаго3
Каментары