Na pracesie pierapynak da 10:00 24 červienia.
U sudzie, jaki raspačaŭsia 14 červienia, pierapynak da 10:00 24 červienia.
Advakaty Pačobuta paviedamili, što sud nie zadavoliŭ chadajnicta, kab vyklikać na praces 10 śviedkaŭ. Siońnia zasłuchali ekśpiertaŭ z boku dziaržavy: kiraŭnika ideałahičnaha adździeła Hrodzienskaha abłvykankama Paŭła Skrabko, kiraŭnika pres-centra abłvykankama Viktara Žaleźnikoviča i prafiesara Hrodzienskaha dziaržaŭnaha univiersiteta Nikicieviča.
Advakaty kažuć, što zaŭtra ŭ sudzie pačnucca sprečki.
***
23 červienia ŭ sudzie Leninskaha rajona Hrodna adnaviŭsia praces nad žurnalistam «Hazety vyborčaj» Andrejem Pačobutam. Sudździa — Vital Lecka. Praces zakryty.
Tak nie zmoh trapić na praces hienieralny konsuł Polščy ŭ Hrodnie Andžej Chackievič. Milicyja nie puściła jaho dalej za ŭvachod u sud. Jany patłumačyli, što praces zakryty i znachodžańnie naziralnikaŭ nie praduhledžana, paviedamlaje Radyjo Svaboda
La budynka suda znachodziacca ekśpierty pa spravie Pačobuta: kiraŭnik ideałahičnaha adździeła Hrodzienskaha abłvykankama Pavał Skrabko i kiraŭnik pres-centra abłvykankama Viktar Žaleźnikovič.
17 červienia Andreju Pačobutu było nanoŭ vystaŭlena abvinavačańnie. Artykuły nakont abrazy (368-1) i paklopu (367-1) adnosna prezidenta ŭ im zastalisia, tolki bolš jak u dva razy pavialičyŭsia tekst. Pa pieršym ź ich praduhledžana pakarańnie da dvuch hadoŭ źniavoleńnia, pa druhim — ad dvuch da čatyroch hadoŭ. Padstavy prakuratura znajšła ŭ artykułach Pačobuta ŭ «Hazecie vyborčaj», u jahonaj kałoncy na sajcie «Biełaruski partyzan», a taksama ŭ adnym z dopisaŭ u «Žyvym žurnale».
Ciapier čytajuć
U Minsku budujuć novaje «Akreścina» ŭ hłuchoj pramzonie. A što budzie sa starym?5
Kamientary