Kala pasolstva Biełarusi ŭ Varšavie prachodzić akcyja pratestu
U Varšavie kala budynka pasolstva Biełarusi prachodzić akcyja pratestu z patrabavańniem vyzvalić hrodzienskaha žurnalista Andreja Pačobuta. Arhanizatarami akcyi vystupili vydańnie Gazeta Wyborcza, dzie pracuje Pačobut, a taksama varšaŭski fond «Svaboda i demakratyja».
Jak paviedamiŭ sakratar hetaha fondu Marek Bućko, akcyja prymierkavana da mahčymaha vyniasieńnia pryhavoru Pačobutu siońnia ŭ Hrodnie (užo paśla pačatku akcyi stała viadoma, što sudovyja słuchańni pa spravie Pačobuta pieraniesieny na 5 lipienia)
Pavodle słoŭ Bućko, udzielniki akcyi spadziajucca pryciahnuć uvahu vadzicielaŭ aŭtamabilaŭ, kab jany sihnalili, prajazdžajučy mima biełaruskaha pasolstva. Akramia taho, da ŭdziełu ŭ prateście pryciahvajucca piešachody.
Ułasny karespandent Gazeta Wyborcza ŭ Hrodnie Andrej Pačobut abvinavačvajecca pa dvuch artykułach Kryminalnaha kodeksa: č. 1 art. 368 (źnievažańnie prezidenta Biełarusi) i č. 1 art. 367 (paklop u dačynieńni da prezidenta) za publikacyi ŭ Gazeta Wyborcza, na sajcie «Biełaruski partyzan» i na staroncy ŭ «Žyvym žurnale». Svajoj viny žurnalist nie pryznaje.
Z 6 krasavika Pačobut znachodzicca pad vartaj. Sud nad im viadziecca ŭ zakrytym režymie.
Vyzvaleńnia biełaruskaha žurnalista patrabujuć pravaabaroncy, ułady Polščy, ES i ZŠA.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ1717
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ17
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary