U Minsku 29 červienia vypała bolš za čverć miesiačnaj normy apadkaŭ
Pavodle infarmacyi resursu meteoinfo.by, kolkaść apadkaŭ u stalicy skłała 22 mm (22 litry vady na kvadratny mietr) pry miesiačnaj normie 82 mm.
Jak paviedamlałasia raniej, u vyniku liŭnia byŭ padtopleny šerah daroh, na niekatorych učastkach byŭ paralizavany ruch transpartu.
Zhodna z abahulnienymi BiełaPAN źviestkami Minskaha haradskoha ŭpraŭleńnia MNS, spynieńnie ruchu tramvajaŭ (4 maršruty) skłała ad 16 da 42 chvilin, aŭtobusaŭ (11 maršrutaŭ) — 35 chvilin, tralejbusaŭ (25 maršrutaŭ) — ad 15 chvilin da 1 hadziny 5 chvilin (na bulvary Šaŭčenki).
Dla likvidacyi nastupstvaŭ padtapleńniaŭ było zadziejničana 25 adzinak techniki.
Najbolšaja kolkaść apadkaŭ dniom 29 červienia vypała ŭ rajonie mieteastancyi «Paleskaja» (Bresckaja vobłaść) — 27 mm (35% miesiačnaj normy) i ŭ Słucku (Minskaja vobłaść) — 26 mm (34%).
Kamientary