Śpiecsłužby zastrašvajuć žycharoŭ Bresta, kab spynić ich udzieł u pratestach

Na praciahu apošniaha tydnia ŭ kvaterach bieraściejskich administrataraŭ supołki «Revalucyja praz sacyjalnyja sietki» «VKontaktie» Jaŭhiena Skrabca i Siarhieja Aleksijeviča adbylisia pieratrusy. U jakaści jurydyčnaj padstavy milicyja i supracoŭniki i cyvilnym pradjaŭlali pastanovu ab pieratrusie pavodle kryminalnaj spravie ab padpale Doma pravasudździa 15 traŭnia ŭ Miensku.

U abiedźviuch kvaterach zabrali kamputary, elektronnyja nośbity infarmacyi, papiery i vizytoŭki.

Cisk na aktyvistaŭ čynicca ŭžo nia pieršy tydzień. Jaŭhiena Skrabca napiaredadni akcyi 3 lipienia supracoŭniki milicyi zablakavali ŭ kvatery: pad jahonym padjezdam dziažuryli dźvie mašyny ź milicyjantami. Takim ža čynam sprabavali blakavać šasnaccacihadovaha Siarhieja Aleksijeviča, adnak toj uciok, i jaho zatrymali ŭ toj ža dzień na płoščy Lenina.

Sprobu zatrymać Siarhieja Aleksijeviča 6 lipienia padčas čarhovaj maŭklivaj akcyi ŭ Bieraści źniali na videa, jakoje razyšłosia pa šmat jakich resursach u internecie.

Aktyvisty ličać, što raspačataja suprać ich sprava ab padpale Domu Pravasudździa — tolki padstava, kab zrabić pieratrus i zabrać kamputarnuju techniku. Adnak hetaja sprava nabyła novy charaktar, kali demakratyčnaja hramadzkaść Bieraścia daviedałasia pra vypadak, što adbyŭsia ŭ siamji bieraściejcaŭ Mikałajevych.

Alaksandar Mikałajeŭ paviedamiŭ, što ŭviečary 3 lipienia jahony syn Ihar razam z maci i siabrami byŭ na vulicy. Raptam chłopca pačali zatrymlivać ludzi ŭ cyvilnym. Z dapamohaj maci i siabroŭ jaho adbili. Adnak, viarnuŭšysia dachaty, zaŭvažyli, što za kvateraj nazirajuć asoby ŭ cyvilnym. 5 lipienia a 14:30 u kvateru pryjšli ź pieratrusam.

Alaksandar Mikałajeŭ: «Było 4 čałavieki ŭ cyvilnym i ŭčastkovy. Jany zajšli, pradjavili order na pieratrus kvatery. Staŭ čytać hetaje pradpisańnie na pieratrus. Tam było paznačana, što ŭ suviazi z padziejami 15 maja ŭ Miensku ŭ Domie Pravasudździa, tam niechta niešta padpaliŭ, ja nia viedaju. I naš syn źjaŭlajecca adnym z padazravanych u suviazi z hetymi padziejami. Ja kažu, što moj syn u Miensku nia byŭ užo niekalki hadoŭ. Ale adzin z praviarajučych skazaŭ, što «chutčej za ŭsio, vaš syn źjaŭlajecca adnym z arhanizataraŭ hetaha teraktu, tamu ŭ Miensku jamu być nie abaviazkova. Jon moža adsiul kiravać terarystyčnymi dziejańniami».

Jamu šyjuć „arhanizacyju terarystyčnaj hrupy“, ci jak heta nazvać, navat nia viedaju. Kvateru abšukvali dźvie z pałovaj hadziny. Na pytańnie haspadara, navošta zabirajuć kamputary, adkazali: «kab šukać plan Doma pravasudździa i plan padpału hetaha Doma.

Paśla hetych padziejaŭ moj syn vyrašyŭ vyjechać za miežy Biełarusi, tamu što jamu šyjuć arhanizacyju terarystyčnaj hrupy, ci jak heta nazvać, navat nia viedaju».

Aleś Bialacki, kiraŭnik pravaabarončaha centru «Viasna», ličyć, što heta — «Nieprykryty palityčny pieraśled. Zrazumieła lubomu, što jany nia majuć nijakaha dačynieńnia da hetaha padpału.

• 0
• 0
• 0
• 0
• 0
• 0
• 0
• 0