«Naša Niva» moža atrymać ad 3,5 da 17,5 miljona rubloŭ štrafu. Za padpisny indeks
Suprać vydańnia raspačataja jašče i administratyŭnaja sprava.
Siońnia ŭ redakcyju «Našaj Nivy» zavitali pradstaŭniki HUUS Minharvykankama. Z saboju jany mieli list ź Ministerstva infarmacyi, u jakim značyłasia, što suprać jurydyčnaj asoby, na jakuju ŭskładzienaja funkcyja vydaŭca haziety, raspačataja administratyŭnaja sprava pa art.22.9 č.3 KaAP RB.
Heta «parušeńnie srodkam masavoj infarmacyi zakanadaŭstva ab srodkach masavaj infarmacyi paŭtorna na praciahu adnoha hoda paśla vyniasienia ŭ dačynieńni jaho piśmovaha papiaredžańnia». Štrafnyja sankcyi, praduhledžanyja artykułam KaAP — ad sta da piacisot bazavych vieličyń (heta značyć, ad 3 500 000 da 17 500 000 rubloŭ). Nahadajem, apošniaje papiaredžańnie, jakoje dało mahčymaść raspačać suprać «NN» hetu spravu, było vyniesienaje 6 lipienia za toje, što ŭ vychodnych dadzienych haziety nie byŭ paznačany... padpisny indeks. Pryčym indeksa nie było ŭsiaho ŭ adnym z numaroŭ haziety ŭ pieršym paŭhodździ.
Adnačasova
zaŭtra adnaŭlajecca sprava ab likvidacyi vydańnia. Pasiadžeńnie pačniecca a 14.30 u budynku Vyšejšaha haspadarčaha suda (vuł.Vaładarskaha, 8). Praces budzie adkryty.
-
Minčuk pakazaŭ, jak razam z susiedziami pryvioŭ u paradak padjezd
-
Biełarusku z ZŠA z praterminavanym pašpartam adviali na miažy ŭ padvał i pravieryli telefon. Biełaruskich pamiežnikaŭ jana paraŭnała z aniołami
-
U «Minsktransie» patłumačyli, čamu prajezd u stalicy dahetul nielha apłacić bankaŭskaj kartaj
Kamientary