Lehalny status Asambleja atrymała ŭ Litvie. U Biełarusi asacyjacyi trojčy admaŭlali ŭ rehistracyi.
Jak zajaviŭ staršynia Asamblei NDA Siarhiej Mackievič, «u Biełarusi my, jak demakratyčnaja arhanizacyja, byli pazbaŭlenyja prava abjadnoŭvacca ŭ asacyjacyi. Miniust, nie chavajučysia, vyrazna i niekalki razoŭ svaimi admovami padkreśliŭ, što isnavańnie svojeasablivaha prafsajuzu niaŭradavych arhanizacyjaŭ biełaruskim uładam nie patrebnaje».
Dyrektar Vykanaŭčaha biuro Asamblei Siarhiej Lisičonak patłumačyŭ rehistracyju abjadnańnia ŭ Litvie nastupnym čynam: «U našaj krainie prahresu sa svabodaj asacyjacyjaŭ nie nazirajecca. Tamu my vyrašyli skarystacca inšymi mahčymaściami i atrymać zarehistravany status u susiedniaj ź Biełaruśsiu krainie».
Na dadzieny momant Asambleja NDA źjaŭlajecca paŭnapraŭnaj jurydyčnaj asobaj. Pavodle jurysta Vykanaŭčaha biuro Asamblei Juryja Čavusava, «zarehistravany status asacyjacyi daje mahčymaść jaje siabram pradstaŭlacca ad imia arhanizacyi. Taksama možna mieć vydańni pad šyldaj hetaha abjadnańnia. Akramia taho, presa moža pisać pra dziejnaść asacyjacyi. U dadatak, rehistracyja ŭ Litvie, na terytoryi ES, daje mahčymaść pryznavać status hetaj arhanizacyi jeŭrapiejskim subjektam». Razam z tym, padsumavaŭ Jury Čavusaŭ, «naŭrad ci biełaruskija ŭłady, niahledziačy na rehistracyju ŭ Litvie, pryznajuć Asambleju biełaruskim subjektam».
Tak, jašče ŭ 2002 hodzie rehistravalny orhan atrymaŭ pakiet dakumientaŭ ad Asamblei NDA. Dla vyniasieńnia admoŭnaha rašeńnia ŭ spravie nierehistracyi Asamblei Miniustu spatrebiłasia paŭtary hady. U 2009 hodzie Asambleja dva razy padavała dakumienty na rehistracyju, ale biezvynikova.Asambleja NDA sprabavała trojčy zarehistravacca na terytoryi Biełarusi.
Asambleja niaŭradavych demakratyčnych abjadnańniaŭ — najbujniejšaje ŭ Biełarusi zhurtavańnie arhanizacyjaŭ hramadzianskaj supolnaści, jakoje ŭklučaje kala 300 hramadskich abjadnańniaŭ, fondaŭ i inšych niekamiercyjnych arhanizacyjaŭ.
Ciapier čytajuć
Koŭł Łukašenku: Tabie treba być bolš aściarožnym, za stałom kiepskich pacanoŭ zastaŭsia adzin ty10
Kamientary