Dalejšy farmat akcyj pratestu vyznačać sami ŭdzielniki

Dalejšy farmat akcyj maŭklivaha pratestu budzie vyznačacca zychodziačy z pažadańniaŭ samich udzielnikaŭ,

«Ludzi čakajuć novaha farmatu akcyj — takoha, jaki b ich zadavalniaŭ.

My źmianili ŭčora farmat akcyi ŭ Minsku dla biaśpieki ludziej, jakija prasili zrabić tak, kab było mienš zatrymańniaŭ. My da hetaha prysłuchalisia, i ŭčora zatrymańniaŭ było značna mienš, čym raniej. Dumaju, što farmat nastupnaj sierady taksama budzie zaležać ad pažadańniaŭ tych ludziej, jakija nam pišuć», — skazaŭ Dzijanaŭ.

Pry hetym jon padkreśliŭ: acenku paśpiachovaści inicyjatyvy «Revalucyja praz sacyjalnyja sietki» nieabchodna rabić nie tolki na asnovie kolkaści ŭdzielnikaŭ pratestu. Tak, adznačyŭ Dzijanaŭ, na ŭčarašniuju akcyju nie zmahli pryjści ludzi, jakija adbyvajuć 10-sutačnyja, 15-sutačnyja aryšty za ŭdzieł u papiarednich akcyjach maŭklivaha pratestu.

«Mnohija byli aštrafavany, i čakajuć, pakul my dapamožam im vypłacić hetyja štrafy, — dadaŭ Dzijanaŭ. — My pastajanna pracujem z našymi karystalnikami dla abmienu infarmacyjaj, źbirajem srodki dla vypłaty štrafaŭ i dla dapamohi tym, chto siadzić». Pavodle słoŭ arhanizatara internet-supolnaści,

sabrana ŭžo bolš za 20 młn. rubloŭ.

«Kali havaryć pra akcyi ŭ cełym, to jany paśpiachovyja», — ličyć jon.

***

Nahadajem, učarašniaja akcyja maŭklivaha pratestu była ŭžo siomaj pa liku. U Minsku jana pravodziłasia ŭ novym farmacie. Udzielnikam było prapanavana sabracca ŭ šaści bujnych handlovych centrach, raźmieščanych u roznych mikrarajonach horada, a zatym nakiravacca da najbližejšaj stancyi mietro, dajechać da płoščy Pieramohi, Nacyjanalnaj akademii navuk i ruchacca nasustrač adzin adnamu, nie plaskajučy, jak heta było padčas papiarednich akcyj, kab nie pravakavać milicyju. U vyniku dźvie hrupy ludziej, jakija išli nasustrač adzin adnamu, sustrelisia na płoščy Jakuba Kołasa. Akcyja zaviaršyłasia ŭ 20.00 zvonam budzilnikaŭ na mabilnych telefonach, paśla čaho pačałasia aktyŭnaja faza zatrymańniaŭ.

Zatrymańni tradycyjna pravodzili ludzi ŭ cyvilnym. Namieśnik načalnika HUUS Minharvykankama Ihar Jaŭsiejeŭ asabista prysutničaŭ na płoščy Jakuba Kołasa i naziraŭ za padziejami.

Pavodle danych pravaabaroncaŭ, u Minsku zatrymana 25 čałaviek, pa ŭsioj krainie — prykładna 100. Častku zatrymanych, u tym liku žurnalistaŭ, praź niekalki hadzin adpuścili, na astatnich składzieny pratakoły na padstavie artykuła 17.7 Kodeksa ab administracyjnych pravaparušeńniach (drobnaje chulihanstva). Siońnia nad imi pavinny prajści sudy.

• 0
• 0
• 0
• 0
• 0
• 0
• 0
• 0