Nacbank spyniŭ ažyćciaŭleńnie valutnych ździełak svop z kamiercyjnymi bankami
Nacbank Biełarusi nie ažyćciaŭlaje ździełki svop (pryciahnieńnie valutnych srodkaŭ u abmien na rublovuju likvidnaść) z kamiercyjnymi bankami. Pra heta padčasanłajn-videabryfinhu zajaviŭ staršynia praŭleńnia «MTBanka» Andrej Žyškievič.
Žyškievič nahadaŭ, što Nacbank sapraŭdy vielmi aktyŭna pryciahvaŭ valutnyja srodki ŭ kamiercyjnych bankaŭ praz ździełki svop. «Na siońnia šerah takich ździełak zakončany. Nacbank, pavodle našych źviestak, punktualna vykonvaje svaje abaviazacielstvy pierad kamiercyjnymi bankami ŭ miežach ździełak», — skazaŭ staršynia praŭleńnia «MTBanka».
Pry hetym jon padkreśliŭ, što padčas papiarednich pieramoŭ z MVF Nacbank uziaŭ abaviazacielstvy skaračać prapanovu rublovych resursaŭ u ekanomicy.
«Tamu zaraz ździełki svop Nacbankam spynieny. Jon nie pryciahvaje valutu i, adpaviedna, na rynku nie raźmiaščajecca rublovaja likvidnaść. Heta havoryć pra toje, što Nacbank racyjanalna padychodzić da kantrolu za ryzykami ŭ adnosinach da bankaŭskaj sistemy», — skazaŭ Žyškievič.
Jon taksama zakranuŭ temu množnaści kursaŭ. Banki, pavodle słoŭ Žyškieviča, majuć peŭnyja prablemy z množnaściu kursaŭ praz klijentaŭ. «Kožny klijent źviedvaje ciažkaści z dostupam da valuty na biržy. Ale banki pa mahčymaści starajucca zabiaśpiečyć prodaž», — zaznačyŭ Žyškievič.
Pry hetym kiraŭnik praŭleńnia «MTBanka» padkreśliŭ: «Čym raniej adbudziecca abiacanaje ŭstanaŭleńnie adzinaha kursu, tym praściej budzie ŭsioj ekanomicy i bankaŭskaj sistemie».
Ciapier čytajuć
Dziadok raskazaŭ, jak pavodziŭ by siabie ŭ siońniašniaj Biełarusi i što budzie dalej5
Kamientary