Milinkievič sustreŭsia z načalnikam kałonii, dzie siadzić Lichavid +fota
Mikita ŭžo ŭ piaty raz trapiŭ u štrafny izalatar.
Siońnia siabry Ruchu «Za Svabodu» razam ź lidaram arhanizacyi Alaksandram Milinkievičam byli ŭ Navapołackaj kałonii. Ich chvalavaŭ los Mikity Lichavida. Hety chłopiec byŭ asudžany na 3,5 hady źniavoleńnia za ŭdzieł u pratestach 19 śniežnia. Za parušeńnie ŭnutranaha rasparadku kałonii Lichavid u piaty raz užo trapiŭ u štrafny izalatar.
«Heta byŭ pryjomny dzień. My sustrelisia z namieśnikam načalnika kałonii pa vychavaŭčaj pracy Andrejem Jančylenkam. Potym paprasili sustrečy z načalnikam Alaksandram Sivocham. Prośbu zadavolili. Razam ź Sivocham u kabiniecie znachodziŭsia načalnik miedyčnaj častki», — kaža A.Milinkievič.
Palityk pierakonvaŭ, što sprava Lichavida nie takaja prostaja, što jaho pryznajuć palitviaźniam. «Mnie adkazvali, što rasparadak dla ŭsich viaźniaŭ u kałonii adnolkavy i nijakich palohak Lichavidu nie budzie. Doktar skazaŭ, što Mikita pa miedycynskuju dapamohu nie źviartaŭsia».
Alaksandr Sivacha skazaŭ, kali parušeńni buduć praciahvacca, to Lichavid moža być pieraviedzieny z kałonii ŭ turmu. Heta značyć, jašče na bolš strohi režym.
Taksama ŭ kałonii ŭ Navapołacku znachodzicca maładafrontaviec Aleś Kirkievič. «Nam skazali, što Aleś razmaŭlaje z usimipa-biełarusku . Nichto jamu ŭ hetym nie zaminaje».
Milinkievič chacieŭ asabista sustrecca ź Mikitam Lichavidam, ale pakul jon u ŠIZA, to sustrečy zabaronienyja. «Tym nie mienš, heta mahčyma. Treba, kab Mikita napisaŭ zajavu ab sustrečy. U administracyi kałonii skazali, što nie suprać», — zaznačyŭ Milinkievič.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary