U Homieli la fantana kala cyrka 27 lipienia ŭ 19.00 pavinna była adbycca čarhovaja akcyja maŭklivaha pratestu. Ab praviadzieńni akcyi infarmavali karystalniki sacyjalnaj sietki «UKantakcie». Pieršy etap pavinien byŭ prajści ŭ 13.00 na Centralnym rynku, druhi — u 19.00 kala fantana. Ni kala rynku, ni kala fantana udzielniki akcyi, kali takija byli, nijak siabie nie vyjaŭlali.
Fantan kala cyrka — tradycyjnaje miesca masavaha adpačynku hamialčan, tamu ciažka było zrazumieć, chto ŭdzielničaje ŭ akcyi, a chto prosta hulaje. Napaminkam ab praviadzieńni pa sieradach akcyj u abłasnym centry słužyli milicyjaniery, jakija pa pierymietry akružyli placoŭku kala fantana i nazirali za ludźmi, što hulali. Nieviadomyja apieratary zdymali prachožych na videa. Na kožnym skryžavańni na vulicy Savieckaj ad cyrka da ŭniviermaha «Homiel» dziažuryli supracoŭniki DAI.
Fiłosaf i sacyjalny tearetyk Junela Salnikava ličyć, što na nizkuju aktyŭnaść udzielnikaŭ akcyi paŭpłyvała leta. «Tradycyjna
«Pieršapačatkova akcyi pratestu byli adnosna biaśpiečnymi, udzielniki ŭsprymali ich jak pierformans, šou, zabavu. Ale z kožnaj akcyjaj drajv stanaviŭsia ŭsio bolš ryzykoŭnym, na akcyi vychodzili zvyčajnyja ludzi, jakija nie pryvykli da zatrymańniaŭ i „sutak“. I ŭłady praličyli pravilna, kali možna tak skazać, što brutalny nacisk zmoža źbić hradus akcyj. Zvyčajny čałaviek, jaki maje pratestny patencyjał, usio ž žadaje vykazvać jaho biaśpiečnym šlacham», — ličyć jana.
Na dumku Salnikavaj, pratestnyja nastroi nie źniščany. «Naadvarot, kali ŭłady pierakryli hety kanał tranślacyi narodnych nastrojaŭ, treba čakać, što adkryjecca novy. Jakim budzie inšy kanał kamunikacyi naroda z uładaj, napeŭna, my ŭbačym bližej da vosieni», — miarkuje jana.
Ciapier čytajuć
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie44
Kamientary