У Гомелі ля фантана каля цырка 27 ліпеня ў 19.00 павінна была адбыцца чарговая акцыя маўклівага пратэсту. Аб правядзенні акцыі інфармавалі карыстальнікі сацыяльнай сеткі «УКантакце». Першы этап павінен быў прайсці ў 13.00 на Цэнтральным рынку, другі — у 19.00 каля фантана. Ні каля рынку, ні каля фантана удзельнікі акцыі, калі такія былі, ніяк сябе не выяўлялі.
Фантан каля цырка — традыцыйнае месца масавага адпачынку гамяльчан, таму цяжка было зразумець, хто ўдзельнічае ў акцыі, а хто проста гуляе. Напамінкам аб правядзенні па серадах акцый у абласным цэнтры служылі міліцыянеры, якія па перыметры акружылі пляцоўку каля фантана і назіралі за людзьмі, што гулялі. Невядомыя аператары здымалі прахожых на відэа. На кожным скрыжаванні на вуліцы Савецкай ад цырка да ўнівермага «Гомель» дзяжурылі супрацоўнікі ДАІ.
Філосаф і сацыяльны тэарэтык Юнэля Сальнікава лічыць, што на нізкую актыўнасць удзельнікаў акцыі паўплывала лета. «Традыцыйна
«Першапачаткова акцыі пратэсту былі адносна бяспечнымі, удзельнікі ўспрымалі іх як перформанс, шоу, забаву. Але з кожнай акцыяй драйв станавіўся ўсё больш рызыкоўным, на акцыі выходзілі звычайныя людзі, якія не прывыклі да затрыманняў і „сутак“. І ўлады пралічылі правільна, калі можна так сказаць, што брутальны націск зможа збіць градус акцый. Звычайны чалавек, які мае пратэстны патэнцыял, усё ж жадае выказваць яго бяспечным шляхам», — лічыць яна.
На думку Сальнікавай, пратэстныя настроі не знішчаны. «Наадварот, калі ўлады перакрылі гэты канал трансляцыі народных настрояў, трэба чакаць, што адкрыецца новы. Якім будзе іншы канал камунікацыі народа з уладай, напэўна, мы ўбачым бліжэй да восені», — мяркуе яна.
Цяпер чытаюць
У Беларусі больш не будуць прымаць платнікаў у медуніверсітэты. Што пра гэта кажуць дактары?1
Каментары