Ułady papiaredžvajuć pra «surjoznyja rašeńni» ŭ finansavaj śfiery ŭ druhoj pałovie žniŭnia
Havorka moža iści pra pierachod da adzinaha kursa valut abo, naadvarot, abmiežavańnie abarotu valuty.
U Biełarusi ŭ druhoj pałavinie žniŭnia buduć pryniaty rašeńni pa valutnaj i ekanamičnaj palitycy ŭ 2011 hodzie. Ab hetym išła razmova 1 žniŭnia ŭ čas dakłada Alaksandru Łukašenku prem'jer-ministra Michaiła Miaśnikoviča, paviedamlaje BIEŁTA.
U časie sustrečy abmiarkoŭvałasia naznačanaja na druhuju pałavinu žniŭnia narada z udziełam ŭrada i praŭleńnia Nacyjanalnaha banka, dzie buduć razhledžany pytańni funkcyjanavańnia ekanomiki ŭ ciapierašnich umovach i pryniaty surjoznyja rašeńni pa valutnaj i ekanamičnaj palitycy ŭ hetym hodzie, a taksama vyznačany zadačy na 2012 hod. «Płanujecca vyjści na pryncypovyja rašeńni», — sakretničaje BiełTA.
Druhoje pytańnie, na jakim była zasiarodžana ŭvaha, datyčyła dachodaŭ nasielnictva i inflacyi. Viałasia havorka pra «sacyjalnyja harantyi dla nasielnictva, asabliva najmienš abaronienych sacyjalnych katehoryj, pierš za ŭsio małamajomnych ludziej, siemjaŭ ź dziećmi».
Na sustrečy taksama abmiarkoŭvalisia pytańni majučaha adbycca ŭ Maskvie 15 žniŭnia pasiadžeńnia saŭmina sajuznaj dziaržavy.
Adnačasova pajšła havorka pra vydaču hramadzianam ziamielnych učastkaŭ dla indyvidualnaj žyłoj zabudovy.
U cełym u krainie ŭžo vyznačana 57 tys. ziamielnych učastkaŭ, jakija mohuć być pryznačany hramadzianam dla indyvidualnaha žyllovaha budaŭnictva. Urad raspracavaŭ umovy pradastaŭleńnia ziamielnych učastkaŭ i prapanavaŭ hradacyju koštu ŭ zaležnaści ad dachodaŭ taho, chto žadaje nabyć učastak. Tak, naprykład, dla šmatdzietnych siemjaŭ prapanujecca vydzialać ziamlu biaspłatna, u tym liku navat u pryharadach bujnych haradoŭ, majučym patrebu — za 20 pracentaŭ kadastravaj vartaści ŭ pryvatnuju ŭłasnaść abo pažyćciova spadčynnaje vałodańnie, dla tych ža, chto maje va ŭłasnaści žyllo i chacieŭ by pabudavać indyvidualny žyły dom, — pa poŭnym kadastravym košcie. Akramia taho, ahavorany pytańni, źviazanyja z raźvićciom inžyniernaj infrastruktury nazvanych terytoryj.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»1
Kamientary