U zachoplenym paŭstancami budynku livijskaj raźviedki znajšli papki «Biełtecheksparta»
Reparciory naviedali budynak i paznajomilisia z papierami, jakija tam zastajucca.
Livijskija paŭstancy dazvolili reparcioram naviedać budynak livijskaj raźviedki i paznajomicca z papierami, jakija tam zastajucca.
Budynak achoŭvajuć aŭtamatčyki, ale archivami śpiecsłužbyŭ pakul nichto nie zajmajecca.
NATO razbambiła ofis u mai, paśla hetaha jon mała vykarystoŭvaŭsia. Tym nie mienš, u im zastalisia zachoŭvacca materyjały livijskaj dziaržbiaśpieki, u tym liku sakretnyja. Ź ich vynikaje, što kadafisty słaba razumieli, chto kiruje paŭstańniem. Unutranyja raparty śviedčać: pa miery narastańnia pratestaŭ rasła i razhublenaść śpiecsłužby.
Mnohija analityčnyja dakumienty padmianiajuć infarmacyju prapahandaj:Aŭtary analityčnych zapisak ź livijskaj śpiecsłužby sami adznačajuć nizki patencyjał jaje, adsutnaść kvalifikavanych śpiecyjalistaŭ.
śpiecsłužbisty niedaaceńvali lidaraŭ paŭstańnia.Jak i dziaržaŭnyja ŚMI Livii, jany malavali ich ałkaholikami, fanatykami ci marhinałami. Adnak pa miery taho, jak paŭstańnie šyryłasia, u śpiecsłužbach narastaŭ niepakoj.
Jany prasłuchoŭvali telefonnyja razmovy kiraŭnikoŭ paŭstańnia, ale nie mahli zrazumieć sens kodavych słovaŭ u ich razmovach.Jany nie byli zdolnyja sabrać infarmacyju pra siły paŭstancaŭ u klučavych punktach. Jany pierachoplivali e-mejły kiraŭnictva Časovaj pierachodnaj rady, ale hetyja źviestki nijak im nie dapamahali. U ich byli ahienty ŭnutry paŭstanckaha ruchu, ale jany pracavali za hrošy, a nie za sumleńnie, i tamu pieradavali pamyłkovuju ci aby-jakuju infarmacyju, vymahajučy šalonych hanararaŭ.
U toj ža čas, možna mierkavać, što heta kadafisty arhanizavali zabojstva kiraŭnika ŭzbrojenych sił paŭstancaŭ — ministra ŭnutranych spraŭ, jaki pierajšoŭ na bok praciŭnikaŭ Kadafi. Metaj apieracyi było pasiejać niedavier i varožaść miž lidarami apazicyi.
Što cikava, na foty suśvietnych ahienctvaŭ trapili i katałoh biełaruskaha eksparciora ŭzbrajeńniaŭ «Biełtecheksparta».
Heta kampanija na čale ź Piefcijevym, nahadajem, trapiła pad sankcyi Jeŭrasajuza suprać łukašenkaŭcaŭ.
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami21
Kamientary