Adpaviednaja pazicyja ekśpiertaŭ ahienctva Moody's utrymlivajecca ŭ štotydniovaj spravazdačy Weekly Credit Outlook.
Mižnarodnaje rejtynhavaje ahienctva Moody's Investors Service čakaje devalvacyi biełaruskaha rubla da dołara na 30—50% paśla častkovaj libieralizacyi kursu, anansavanaha ŭ kancy žniŭnia 2011 hoda. Adpaviednaja pazicyja ekśpiertaŭ ahienctva Moody's utrymlivajecca ŭ štotydniovaj spravazdačy Weekly Credit Outlook,paviedamlaje RBK.
Adnačasova ŭ dakumiencie ŭkazvajecca, što libieralizacyja abmiennaha kursu pazityŭna adbivajecca na suvierennym kredytnym rejtynhu Biełarusi, bo jana dapamahaje ŭstaranić dźvie prablemy, jakija najpierš vyklikali valutny kryzis, a mienavita: vialiki deficyt handlovaha bałansu i prypynieńnie źniešniaha finansavańnia z boku Rasii i Mižnarodnaha valutnaha fondu (MVF) da taho času, pakul rehulavanaja dziaržavaj ekanomika krainy nie pačnie funkcyjanavać u adpaviednaści ź miechanizmami rynku.
Libieralizacyja valutnaha kursu pastupova pryviadzie da pasłableńnia biełaruskaha rubla da ciapierašniaha nieaficyjnaha kursu, upeŭnienyja ŭ Moody's. Jak i ŭ vypadku z majskaj devalvacyjaj, libieralizacyja kursu razhonić inflacyju, jakaja i tak blizkaja da acenki 50%, i pavialičyć košt absłuhoŭvańnia doŭhu ŭ zamiežnaj valucie, što pryviadzie da rostu doli kredytaŭ u biełaruskich bankach, jakija nie absłuhoŭvajucca (tamu devalvacyja akazvaje niehatyŭny ŭpłyŭ na rejtynhi bankaŭskaj sistemy).
Ciapier čytajuć
Łukašenka: Abmiarkoŭvajem z ZŠA vyzvaleńnie palitviaźniaŭ21
Kamientary