Uviečary 16 vieraśnia 1999 hoda apazicyjny palityk Viktar Hančar i jaho siabar biznesoviec Anatol Krasoŭski byli ŭ łaźni, što pa vulicy Fabryčnaj, 20 u Minsku. Kala 22.30 jany vyjšli z łaźni, sieli ŭ aŭto Krasoŭskaha… Paśla hetaha ni ich, ni ich «Džyp-čeroki» nie bačyli.
Jak paviedamlała prakuratura, što pačała kryminalnuju spravu pa fakcie źniknieńnia V.Hančara i A.Krasoŭskaha, niepadalok byli znojdzienyja askalepki płasmasavych faraŭ, ślady tarmažeńnia i ŭdaru aŭto ab dreva, a taksama ślady kryvi.
Biełaruskaja i mižnarodnaja hramadskaść ličyć, što V.Hančar i A.Krasoŭski byli vykradzienyja pa palityčnych matyvach, i padazraje ŭ datyčnaści da ich vykradańnia vyšejšych słužbovych asobaŭ Biełarusi.
7 maja 1999 hoda na šlachu ad aŭtastajanki da svajoj kvatery źnik były ministr unutranych spraŭ hienierał Jury Zacharanka.U Biełarusi było jašče niekalki tajamničych źniknieńniaŭ i śmierciaŭ palitykaŭ.
7 lipienia 2000 hoda pa darozie ŭ minski aeraport źnik teleapieratar Źmicier Zavadski.
6 krasavika 1999 hoda raptoŭna pamior były śpikier Viarchoŭnaha Savieta Hienadź Karpienka.
Kamientary