Majsterni šyli vopratku z rasiejskaj syraviny, u pryvatnaści, dla rasiejskaha «Hazpromu», i, pavodle aficyjnaj versii, uchilalisia ad padatkaŭ.
Padatkovaja inspekcyja Leninskaha rajonu Mahilovu pakarała bujnymi štrafami 18 pryvatnych švačnych majsterniaŭ. Usia hatovaja pradukcyja dy syravina hetych pradpryjemstvaŭ na sumu bolš za 400 miljonaŭ rubloŭ pieradadziena ŭ prybytak dziaržavie.
Pavodle aficyjnaj infarmacyi, majsterni pakaranyja za niavypłatu naležnych padatkovych adličeńniaŭ.
Usie 18 majsterniaŭ vykonvali zamovy rasiejskich pradpryjemstvaŭ – šyli vopratku z rasiejskaj syraviny. U pryvatnaści, siarod skanfiskavanaj pradukcyi vyjaŭlena partyja rabočaj vopratki dla rasiejskaha «Hazpromu».
Ciapier uładalnik švačnaj majsterni zmušany vykupić skanfiskavany tavar, kab nie parušyć hrafiku pastaŭki pradukcyi zamoŭcu.
Kamientary