Dyrektara maładziečanskaj rybnaj haspadarki žorstka źbili da śmierci
Na ciele pamierłaha byli šmatlikija paškodžańni – pierałom asnovy čerapa i abiedźviuch noh.
Dyrektar rybhasa «Hrycava»33-hadovy Źmicier Biahun u noč na subotu, 17 vieraśnia, byŭ znojdzieny miortvym kala svajho słužbovaha aŭtamabila na bierazie vadajoma ŭ Hrycavie. Cieła znajšoŭ supracoŭnik rybhasa. Śmierć była hvałtoŭnaja.
Na ciele pamierłaha byli šmatlikija paškodžańni — pierałom asnovy čerapa i abiedźviuch noh. Usie čatyry koły słužbovaj mašyny dyrektara rybhaza byli prabityja.
Pavodle papiaredniaj vysnovy miedycynskaj sudovaj ekśpiertyzy, śmierć paciarpiełaha mahła nastupić ad vostraj straty kryvi i traŭmatyčnaha šoku, raskazaŭ našamu vydańniu miedycynski sudovy ekśpiert Michaił Skabiej.
Dyrektar rybhasa «Hrycava» Źmicier Biahun 22 studzienia 2007 hoda sudom Maładziečanskaha rajona byŭ pryhavorany da čatyroch hadoŭ źniavoleńnia za pieravyšeńnie słužbovych paŭnamoctvaŭ, złučanaje z hvałtam i abrazaj paciarpiełych, kradziež, pahrozu raspravicca sa śviedkami i padbuchtorvańnie śviedkaŭ iłhać na dopytach.
Pavodle praviedzienaha rasśledvańnia, dyrektar rybhasa 28 žniŭnia 2006 hoda humovaj dubinkaj źbiŭ troch rybakoŭ, jakija pryjšli parybačyć na terytoryju «Hrycava». Haspadarku Dźmitry Biahun uznačalvaŭ ad 2004 hoda.
Na siońnia, 19 vieraśnia, złačynstva nie raskrytaje. Kryminalnaja sprava zaviedzienaja pa treciaj častcy 147 artykuła Kryminalnaha kodeksa — «Naŭmysnaje pryčynieńnie ciažkaha cialesnaha paškodžańnia, jakoje pryviało pa nieaściarožnaści da śmierci paciarpiełaha».
Kamientary