Sakret fienamienalnaha mieniedžara: Styŭ Džobs

U Biełarusi pra jaho havorać niašmat, a voś prezident Abama nazvaŭ jaho čałaviekam, jaki źmianiŭ śviet.

Heta ŭ hałavie Styva Džobsa naradziŭsia dyzajn i funkcyi piersanalnaha kampjutara, bieź jakoha nielha ŭjavić naša žyćcio. A paśla kamanda Džobsa prydumała ajfon i ajpad, jakija — heta ŭžo vidavočna — stanuć nieadjemnaj pryładaj hetaha dziesiacihodździa.

Unikalny mieniedžarski talent Džobsa ŭsie pryznavali jašče pry žyćci.

Jon spałučaŭ umieńni arhanizavać kalektyŭ, adčuvać patreby spažyŭca i pradbačyć navatarskija technałahičnyja rašeńni. U toj ža čas heta byŭ žorstki, patrabavalny dyrektar.

Moh i asłom nazvać

Pra aŭtarytarny styl kiravańnia Džobsa chadzili lehiendy. Kali jamu nie padabałasia ideja supracoŭnika, jon moh nazvać taho i asłom.

Sirata pry žyvych baćkach

Los nie byŭ litaścivym da Džobsa. Nie tolki rak u roskvicie hadoŭ: jahonaje dziacinstva taksama było niespraviadlivym da maleńkaha Styva (pa-našamu — Stafana).

Jon syn biełaj amierykanki i siryjskaha studenta. Adnak baćki admovilisia ad jaho.

Sa svajoj bijałahičnaj maci jon sustreŭsia tolki kali staŭ užo bahatym čałaviekam.

Nie skončyŭšy navat kaledža, jon razam sa svaim ciabram Styvam Voźniakam zasnavaŭ Apple Computer Inc. U 1977 hodzie vyjšaŭ Apple II, adnosna niedarahi kampjutar, pryznačany dla masavaha rynku. Jon staŭ adnym ź pieršych kamiercyjna paśpiachovych PK, jaki imhnienna zrabiŭ Džobsa multymiljanieram.

Važnaść formy

Užo tady Džobs addavaŭ šmat uvahi detalam dyzajnu. Brus Tańjacini, były ekśpiert kampanii Apple, jaki pryjšoŭ tudy ŭ 1978 hodzie, adnojčy skazaŭ, što Džobs byŭ niepachisny ŭ mierkavańni, što na kłavijatury nie musić być kłavišaŭ «uvierch», «uniz», «uprava», i «ŭleva», jakija dazvalajuć karystalnikam pieramiaščać kursor pa ekranach kampjutaraŭ.

Apantanaść estetykaj Džobsa časam dachodziła da krajnaści.

Džordž Kroŭ, inžynier kampanii Apple ŭ 1980-ch i ad 1998 da 2005, uspaminaje, jak Džobs chacieŭ zrabić kampjutar pryvabnym navat usiaredzinie. Na aryhinalnych PK Macintosh Džobs chacieŭ zrabić unutranyja draty koleraŭ viasiołki, ale jaho adhavaryli ad «lišnich vydatkaŭ».

Džobs stvaryŭ NeXT Inc, kampaniju, jakaja ŭ 1988 hodzie vypuściła čorny nastolny kampjutar z palepšanym prahramnym zabieśpiačeńniem. Jaho minusami byli vysokaja cana i niekatoryja prajektnyja rašeńni, ale jaho apieracyjnaja sistema stała asnovaj dla OS X, prahramnaha zabieśpiačeńnia siońniašnich «Makaŭ» paśla prodažu jaho NeXT'a za $400 młn u śniežni 1996.

Pradbačlivaść canoj 7,4 miljarda

U 1986 hodzie, vykarystaŭšy svaju dolu ŭ Apple, Džobs zapłaciŭ režysioru Džordžu Łukasu 10 miljonaŭ dalaraŭ i nabyŭ adździeł kampjutarnaj hrafiki Lucasfilm Ltd. Kampanija Pixar Animation Studios, jakaja ŭtvaryłasia ŭ vyniku hetaj uhody, zaniałasia stvareńniem šerahu kampjutarnych animacyjnych papularnych filmaŭ, takich jak «Historyja cacak».

Džobs pradaŭ Pixar Dyśnieju ŭ 2006 hodzie za 7,4 młrd dalaraŭ. U 74 razy daražej!

U čas adsutnaści Džobsa Apple pačała ciarpieć niaŭdačy: kampjutary, što vykarystoŭvali mikraschiemy Intel i prahramnaje zabiaśpiečańnie Microsoft, zavajoŭvali rynak. Da 1997 hoda Apple paniesła straty amal na 2 młrd dalaraŭ za dva hady.

Časovy hiendyrektar

U śniežni 2006 da ŭłady pad tytułam «časovy hienieralny dyrektar», jaki zastaniecca paśla niaźmiennym, viarnuŭsia Džobs.

U jakaści zarobku Džobs paprasiŭ 1 dalar u hod i pravy na akcyi Apple.

Jon źniščyŭ partatyŭny kampjutar Newton i palepšyŭ madeli Mas, zasiarodziŭšysia na ich prydatnaści dla rynku. U mai 1998 hoda jon pradstaviŭ iMac, nadzvyčaj celny kampjutar z kalarovym prazrystym korpusam. Apple pačała rekłamnuju kampaniju pad słohanam «Dumaj inačaj» z vykarystańniem fatahrafij tvorčych asob, u tym liku Albierta Ejnštejna i Džyma Chiensana, stvaralnika «Mapiet-šou».

Praź niekalki miesiacaŭ paśla svajho prychodu da ŭłady Džobs zamianiŭ čatyroch ź piaci top-mieniedžaraŭ.

Jon pryhraziŭ zvolnić luboha, chto «źlije» karparatyŭnyja sakrety.

Rak u 49 hadoŭ

Padčas druhoha pieryjadu kiravańnia Džobsa Apple znoŭ sutykajecca z prablemami. Naprykład, Macintosh u formie kuba, jakomu nie ŭdałosia zavajavać papularnaść i jaki ŭ 2001 hodzie byŭ pierapracavany. U vyniku Apple ŭ 2000 i 2001 hadach niesła straty. Ale napieradzie byli pieramohi.

U 2001 hodzie kampanija Apple pradstaviła iPod, jakija zamianili ličbavyja muzyčnyja płejery.

U 2004 hodzie ŭ Džobsa vyjavili rak padstraŭnikavaj załozy.

Apošniaja pieramoha

Tym nie mienš, užo chvory, u červieni 2007 hoda Džobs dabiŭsia jašče adnoj pieramohi, kali Apple pradstaviła iPhone.

U minułym hodzie Džobs pradstaviŭ novy modny hadžet — płanšetny kampjutar iPad.

Tyja, chto viedaŭ Džobsa, ličać adnoj z pryčynaŭ pośpiechu jaho inavacyjnych prajektaŭ toje, što

jon nie spyniaŭsia na dasiahnutym i patrabavaŭ, kab supracoŭniki rabili toje ž samaje.

«Ja nie viedaju lepšaha sposabu, jak paźbiehnuć pastki — dumki, što čas možna i hublać, akramia jak trymać u hałavie, što naša žyćcio karotkaje», —

• 0
• 0
• 0
• 0
• 0
• 0
• 0
• 0