Miedyki zaniepakojeny rostam pjanstva siarod žančyn i niepaŭnaletnich

Heta zajaviŭ zahadčyk siektara narkałohii Respublikanskaha navukova-praktyčnaha centra psichičnaha zdaroŭja Uładzimir Maksimčuk 13 kastryčnika na pres-kanfierencyi ŭ Minsku.

Pavodle jaho słoŭ, z 1996 hoda kolkaść žančyn, jakija pakutujuć na ałkahalizm abo ałkaholny psichoz, uzrasła ŭdvaja. Aprača taho, zaraz na ŭliku znachodziacca 68 niepaŭnaletnich, jakija pakutujuć na ałkahalizm, adnak złoŭžyvajuć ałkaholem 18.500 padletkaŭ.

Žančyny ŭ adroźnieńnie ad mužčyn časta ŭžyvajuć ałkahol u adzinocie, utojvajučy svaju ciahu ad svajakoŭ, zaznačyŭ Maksimčuk.

Jak paviedamiŭ urač-narkołah Dźmitryj Statkievič, mnohija ludzi nie viedajuć, što farmiravańniu ałkaholnaj zaležnaści sadziejničaje ŭžyvańnie nastojek na śpircie. U ich liku — vałakardzin, barbavał, nastojki valarjanki i sardečnika.

Što da pjanstva siarod niepaŭnaletnich, to, pavodle słoŭ Maksimčuka,

vyklikaje tryvohu «pavalnaje zachapleńnie moładzi pivam».

U Biełarusi štohod pavialičvajecca kolkaść ałkaholikaŭ i tych, što pakutujuć na ałkaholny psichoz, jakija znachodziacca na ŭliku ŭ arhanizacyjach achovy zdaroŭja. U 2010 hodzie na ŭliku znachodzilisia bolš jak 195 tys. čałaviek, tady jak u 2005 hodzie — bolš za 170 tys., u 1996 hodzie — amal 123 tys.

Maksimčuk zaznačyŭ, što rost ałkahalizmu častkova źviazany «sa stanoviščam u siamji, moža być, adbivajecca niejkaje ekanamičnaje stanovišča». Aprača taho, da rostu złoŭžyvańnia śpirtnymi napojami viadzie dastupnaść ałkaholu ŭ Biełarusi, styhmatyzacyja chvorych, papiaredžańnie ŭ dačynieńni da ŭračoŭ-psichijatraŭ i narkołahaŭ.

Pavodle słoŭ Statkieviča, rost papularnaści psichaaktyŭnych rečyvaŭ, u tym liku ałkaholu, adznačajecca va ŭsich krainach, dzie śpirtnoje majecca ŭ svabodnym prodažy. Nieabchodna prafiłaktyka rańniaha pačatku ŭžyvańnia ałkaholu i złoŭžyvańnia im, miarkuje jon. Adnak u Biełarusi prafiłaktyka časta pieratvarajecca ŭ farmalnaje mierapryjemstva: u dapaŭnieńnie da asnoŭnaj nahruzki joju na vałanciorskich pačatkach zajmajucca vykładčyki i ŭračy, jakija nie vałodajuć śpiecyjalnymi viedami.

• 0
• 0
• 0
• 0
• 0
• 0
• 0
• 0