Ministr handlu: Biełarusy kuplajuć usio mienš praduktaŭ
U Biełarusi nazirajecca niekatory spad pakupnickaj zdolnaści pa charčovych tavarach, zajaviŭ ministr handlu Valancin Čakanaŭ 20 kastryčnika ŭ Minsku na sustrečy z žurnalistami.
«Cana, napeŭna, padyšła blizka da toj, jakaja adpaviadaje canie vytvorcy. Dalej usio zaležyć ad taho, kolki vytvorca patracić na vyrab tavaru», — skazaŭ jon.
Pavodle słoŭ ministra, kalidor handlovych nadbavak składaje ad 11 da 30 pracentaŭ. «Pytańnie ab jaho źmianieńni nie prahladajecca. Jon całkam ustojany pry tym što ŭ handli siońnia rentabielnaść nie pieravyšaje dvuch z pałovaj pracentaŭ», — dadaŭ Čakanaŭ.
Ministr taksama nahadaŭ, što ŭ Biełarusi isnuje abmiežavańnie handlovych nadbavak na sacyjalna značnyja tavary, jakija žorstka rehłamientavanyja i jakija stroha adsočvajuć. Abmiežavańni isnujuć amal na 30 vidaŭ tavaraŭ: na charčovyja tavary handlovyja nadbaŭki nie pieravyšajuć 3–15%, na pramysłovyja — 5–25%. «Choć pa mnohich pramysłovych tavarach možna prymianiać handlovyja nadbaŭki biez abmiežavańniaŭ, my nastrojvajem handal, damaŭlajemsia, kab hetyja handlovyja nadbaŭki byli jak maha mienšyja, i znachodzim razumieńnie, choć u ich jość mahčymaść pastavić lubuju», — skazaŭ ministr handlu.
Kamientary