U pastarunku žurnalista internet-vydańnia ex-press.by Alaksandra Ziankova pratrymali 4 hadziny.
Žurnalista zatrymali ŭ časie aśviatleńnia im strajku rabotnikaŭ pradpryjemstva «Žyllo».
U pastarunku jaho pratrymali 4 hadziny. A 13.30 pres-słužbie BAŽ udałosia vyjści ź im na suviaź (da hetaha času telefon Ziankova byŭ adklučany). Ź jaho słovaŭ, za hety čas milicyjanty praviali dahlad jaho asabistych rečaŭ, ściorli zapis na videakasiecie, što była pry im, a major Paŭłaviec pravioŭ ź im «prafiłaktyčnuju razmovu». «Pytaŭsia, čamu ex-press.by padaje tolki niehatyŭnuju infarmacyju», — raspavioŭ Alaksandr Ziankoŭ.
Byŭ składzieny pratakoł administratyŭnaha zatrymańnia, ź jakoha vynikaje, što zatrymańnie adbyłosia a 9.15, a vypuścili žurnalista a 13.15. «To bok, pieratrymali na cełuju hadzinu», — zaŭvažaje sp. Ziankoŭ.
Nahadajem, što ŭ lipieni 2011 h. Alaksandr Ziankoŭ adbyŭ 5 sutak administratyŭnaha aryštu nibyta za «niepadparadkavańnie milicyi» — jaho zatrymali ŭ časie zdymkaŭ na videa «maŭklivaj» akcyi pratestu ŭ centry Barysava 20 lipienia.
Kamientary