Teatr biełaruskaj dramaturhii pierapisvaje afišu na listapad.
Adzin z samych viadomych biełaruskich dramatyčnych artystaŭ Ihar Sihaŭ trapiŭ u lakarniu ź infarktam. Hetuju infarmacyju karespandentu interfax.by paćvierdzili ŭ Respublikanskim teatry biełaruskaj dramaturhii (RTBD), u trupu jakoha ŭvachodzić akcior.
Ihar Sihaŭ adčuŭ siabie kiepska ŭ aŭtorak, u toj ža dzień byŭ špitalizavany.
jon užo papraŭlajecca i žyćciu ničoha nie pahražaje.
Ale teatru daviałosia terminova pierahladać afišu śpiektaklaŭ na listapad, u dobraj pałovie jakich hałoŭnyja roli vykonvaje Sihaŭ:
1 listapada, aŭtorak. Śpiektakl «Mister Rozyhryš» zamienieny na «Adamavy žarty».
6 listapada, niadziela. Śpiektakl «Adela» zamienieny na «Niazvany Hość».
8 listapada, aŭtorak. Śpiektakl «Nieba ŭ dyjamientach» zamienieny na «Niazvany hość».
15 listapada, aŭtorak. Śpiektakl «Kałasy pad siarpom tvaim» zamienieny na «Čarnobylskaja malitva».
17 listapada, čaćvier. Śpiektakl «Čajka» zamienieny na «Palety z aniołam».
18 listapada, piatnica. Śpiektakl «Čorny kvadrat» zamienieny na «Vandroŭniki ŭ
19 listapada, subota. Śpiektakl «Adviečnaja pieśnia» zamienieny na «Adamavy žarty».
23 listapada, sierada. Śpiektakl «Žan i Bieatrysa» zamienieny na «Stalica Eraŭnd».
29 listapada, aŭtorak. Śpiektakl «Adviečnaja pieśnia» zamienieny na «Adamavy žarty».
Ihar Sihaŭ nie tolki źjaŭlajecca viadučym artystam teatra, ale taksama aktyŭna zdymajecca ŭ kino i ŭdzielničaje ŭ televizijnych prajektach. Jaho žyćcio ŭ poŭnaj miery možna nazvać nasyčanym.
Tak, karotkamietražnaja karcina «Dźviery», hałoŭnuju rolu ŭ jakoj vykanaŭ Ihar Sihaŭ, u 2010 h. była naminavanaja na «Oskar», a Ihar Sihaŭ staŭ pieršym biełaruskim akcioram, jaki, choć i nie atrymaŭ hałoŭnuju ŭznaharodu, ale prajšoŭsia pa čyrvonaj darožcy.
A ŭ mai 2011 hoda Ihar Sihaŭ atrymaŭ zvańnie zasłužanaha artysta Biełarusi.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Kamientary