Hetaja kniha terapieŭtyčnaja: paśla jaje pračytańnia robicca jasna, što zahlanie sonca ŭ naša akonca.
Heta kniha pra tych, kaho viadomaja asoba achryściła «admarozkami», «vorahami naroda» i «piataj kałonaj». Heta kniha pra tych, čyju movu i kulturu refierendum 1995 hoda asudziŭ na pavolnaje kanańnie. Heta kniha pra tych, chto za svaje kaštoŭnaści i ideały voś užo dziasiatki hadoŭ idzie pad amonaŭskija dubinki, nie vyłazić z turmaŭ i «chimij», kaho zvalniajuć z pracy i zmušajuć padavacca ŭ emihracyju.
Hetuju knihu vy nie kupicie ŭ kniharniach. Zhadak pra jaje vy nie pabačycie na staronkach aficyjnaj presy. Majučy amal na 600 staronak vialikaha farmatu, u tym liku 16 kalarovych, jana skrupulozna apisvaje ŭsie demanstracyi i mitynhi na terytoryi Biełarusi apošnich 20 hadoŭ,jakija sabrali nie mienš za 500 udzielnikaŭ. Suchija statystyčnyja vykładki — hod, miesca praviadzieńnia, kolkaść udzielnikaŭ, asnoŭnyja łozunhi — pieramiažajucca hruntoŭnymi analityčnymi ŭvodzinami ŭ temu i epochu Andreja Kazakieviča, Taćciany Čyžovaj, Andreja Jahorava i inšych palitołahaŭ. Daśledčyk Jan Šumski znajšoŭ i vydaŭ sakretnyja dakumienty z archivu CK KPSS, pryśviečanyja situacyi ŭ BSSR napiaredadni krachu Savieckaha Sajuza. Nasupierak stereatypam, jany pakazvajuć, što i tady ŭ Biełarusi isnavała tradycyja supracivu, šyryŭsia samvydat, a taksama išła baraćba za nacyjanalnuju škołu.
Historyk Aleh Dziarnovič sistematyzavaŭ ulotki, znački, nalepki i inšuju pradukcyju, jakaja vydavałasia napiaredadni masavych akcyj pa ŭsioj Biełarusi. Narešcie, dla knihi adabrali
bolš za 500 unikalnych zdymkaŭ, na jakich vyjaŭlenyja tysiačy ludziej na Płoščach u Minsku, Navapołacku, Viciebsku, Hrodnie, Homieli. Užo tolki ich śvietłyja abliččy efiektyŭna rujnujuć prapahandysckija mify pra małaletak i bajevikoŭ z apazicyijak asnoŭnaha kantynhientu alternatyŭnych masavych mierapryjemstvaŭ.
Hetaja kniha terapieŭtyčnaja: jana pakazvaje šyroki sacyjalny razmach nacyjanalnaha ruchui vyjaŭlaje jaho stvaralny patencyjał. Narešcie, jana daje nam nadzieju, što zahlanie sonca ŭ naša akonca.
Znajdzi siabie i znajomych u knizie.Dakranisia da svajoj najnoŭšaj historyi.
-
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava
-
Zahadka vadałaza, jakoha znajšli biez hałavy i ruk: špijonskaja historyja časoŭ Chałodnaj vajny
-
Hrodzieniec znajšoŭ redkija zdymki horada časoŭ Pieršaj suśvietnaj vajny
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1515
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu15
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary