Гэтая кніга тэрапеўтычная: пасля яе прачытання робіцца ясна, што загляне сонца ў наша аконца.
Гэта кніга пра тых, каго вядомая асоба ахрысціла «адмарозкамі», «ворагамі народа» і «пятай калонай». Гэта кніга пра тых, чыю мову і культуру рэферэндум 1995 года асудзіў на павольнае кананне. Гэта кніга пра тых, хто за свае каштоўнасці і ідэалы вось ужо дзясяткі гадоў ідзе пад амонаўскія дубінкі, не вылазіць з турмаў і «хімій», каго звальняюць з працы і змушаюць падавацца ў эміграцыю.
Гэтую кнігу вы не купіце ў кнігарнях. Згадак пра яе вы не пабачыце на старонках афіцыйнай прэсы. Маючы амаль на 600 старонак вялікага фармату, у тым ліку 16 каляровых, яна скрупулёзна апісвае ўсе дэманстрацыі і мітынгі на тэрыторыі Беларусі апошніх 20 гадоў,якія сабралі не менш за 500 удзельнікаў. Сухія статыстычныя выкладкі — год, месца правядзення, колькасць удзельнікаў, асноўныя лозунгі — перамяжаюцца грунтоўнымі аналітычнымі ўводзінамі ў тэму і эпоху Андрэя Казакевіча, Таццяны Чыжовай, Андрэя Ягорава і іншых палітолагаў. Даследчык Ян Шумскі знайшоў і выдаў сакрэтныя дакументы з архіву ЦК КПСС, прысвечаныя сітуацыі ў БССР напярэдадні краху Савецкага Саюза. Насуперак стэрэатыпам, яны паказваюць, што і тады ў Беларусі існавала традыцыя супраціву, шырыўся самвыдат, а таксама ішла барацьба за нацыянальную школу.
Гісторык Алег Дзярновіч сістэматызаваў улёткі, значкі, налепкі і іншую прадукцыю, якая выдавалася напярэдадні масавых акцый па ўсёй Беларусі. Нарэшце, для кнігі адабралі
больш за 500 унікальных здымкаў, на якіх выяўленыя тысячы людзей на Плошчах у Мінску, Наваполацку, Віцебску, Гродне, Гомелі. Ужо толькі іх светлыя абліччы эфектыўна руйнуюць прапагандысцкія міфы пра малалетак і баевікоў з апазіцыіяк асноўнага кантынгенту альтэрнатыўных масавых мерапрыемстваў.
Гэтая кніга тэрапеўтычная: яна паказвае шырокі сацыяльны размах нацыянальнага рухуі выяўляе яго стваральны патэнцыял. Нарэшце, яна дае нам надзею, што загляне сонца ў наша аконца.
Знайдзі сябе і знаёмых у кнізе.Дакраніся да сваёй найноўшай гісторыі.
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць3434
Каментары