Na dyspansiernym uliku ŭ suviazi z ankałahičnym zachvorvańniem staić kožny 40-y žychar.
Za apošnija 10 hadoŭ zachvorvańnie na rak u Biełarusi vyrasła na 20%, śmiarotnaść ad ankałahičnych zachvorvańniaŭ źniziłasia na 5%. Pra heta paviedamiŭ ministr achovy zdaroŭja Vasil Žarko 3 listapada na čaćviortym źjeździe ankołahaŭ krainy ŭ Minsku.
Pavodle słoŭ ministra, rańniaje vyjaŭleńnie raku ŭ Biełarusi nie dasiahnuła lepšych zamiežnych pakazčykaŭ, zastajecca vysokaj śmiarotnaść i invalidyzacyja asob pracazdolnaha ŭzrostu.
Kiraŭnik Respublikanskaha
na dyspansiernym uliku ŭ suviazi z ankałahičnym zachvorvańniem staić kožny40-y žychar Biełarusi — 242 tys. 298 čałaviek.
Za 10 hadoŭ kolkaść vyjaŭlenych za hod vypadkaŭ novaŭtvareńniaŭ vyrasła z 33 da 42 tysiač.
Pry hetym kolkaść vypadkaŭ raku prastaty vyrasła na 130%, raku skury — na 79%,matki — na 42%, nyrki — na 38%, abadočnaj kiški — na 37%, małočnaj załozy — na 31%. Prahnazujecca, što praz 20 hadoŭ ankałahičnyja zachvorvańni buduć štohod vyjaŭlacca ŭ 78 tys. biełarusaŭ.
Jak adznačyŭ śpiecyjalist, amal 70% chvorych — piensijaniery.Struktura raspaŭsiudžanaści roznych vidaŭ raku adroźnivajecca dla mužčyn i žančyn. U mužčyn na pieršym miescy rak lohkaha — 18%, na druhim — skury (14%), zatym — prastaty, straŭnika, toŭstaha kišečnika i nyrki. U žančyn na pieršym miescy rak skury — 20%, małočnaj załozy — 18%, zatym idzie rak toŭstaha kišečnika, matki, straŭnika, ščytapadobnaj załozy.
Asnoŭnymi pryčynami, jakija pryvodziać da ŭźniknieńnia złajakasnych novaŭtvareńniaŭ, śpiecyjalist nazvaŭ stres, kureńnie, niapravilnuju dyjetu, małaruchavy sposab žyćcia, atłuścieńnie, niehatyŭny ŭpłyŭ faktaraŭ navakolnaha asiarodździa.Pavodle jaho słoŭ, u Biełarusi nieabchodna pravieści maštabnuju antytytuniovuju kampaniju, a taksama prapahandavać zdarovy sposab žyćcia i pravilnaje charčavańnie.
Sukonka paraŭnaŭ zachvorvańnie na rak u Biełarusi z pakazčykami krain ES i ZŠA. U adroźnieńnie ad hetych krain u Biełarusi raście kolkaść vypadkaŭ uźniknieńnia raku šyjki matki, straŭnika. Razam z tym mienš raspaŭsiudžany rak prastaty i małočnaj załozy, chacia kolkaść hetych novaŭtvareńniaŭ apošnimi hadami ŭzrastaje.
Pavodle słoŭ śpiecyjalista, u struktury śmiarotnaści novaŭtvareńni zajmajuć druhoje miesca paśla chvarob sistemy krovazvarotu. Ad ankałahičnych zachvorvańniaŭ pamiraje 13,4% nasielnictva, tady jak ad chvarob sistemy krovazvarotu — 53%.
Ciapier čytajuć
«Ja taja samaja ŭ futry». Maładaja švačka pracavała ŭ futry, pakul dziaržTB raskazvała, što na fabrycy ŭ Žłobinie nie choładna10
Kamientary