Sašu Varłamavu vystavili novaje abvinavačvańnie

Viadomamu biełaruskamu madeljeru Alaksandru Varłamavu vystavili novaje abvinavačańnie. Ciapier jamu inkryminujecca taksama machlarstva ŭ dačynieńni da baćkoŭ dziaciej, jakija navučalisia ŭ centry mody.

17 traŭnia 2011 u dačynieńni da Varłamava była raspačataja kryminalnaja sprava pa č. 2 art. 426 (pieravyšeńnie słužbovych paŭnamoctvaŭ) Kryminalnaha kodeksa Biełarusi. Pavodle paviedamleńnia pres-słužby MUS, padstavaj dla kryminalnaha pieraśledu stali materyjały pravierki HUUS Minharvykankama, jakaja ŭstanaviła fakty sistematyčnaha prysvajeńnia i vykarystańnia nie pa pryznačeńni ŭ 2007–2010 hadach hrašovych srodkaŭ u sumie zvyš 300 miljonaŭ rubloŭ. Hetyja hrošy nibyta pryznačalisia dla vydačy ŭ vyhladzie kamandzirovačnych vydatkaŭ čalcam delehacyj, jakija ŭdzielničali ŭ praviadzieńni pakazaŭ pa-za miežami Biełarusi ŭ ramkach fiestyvalu «Młyn mody», a padazravany madeljer pakłaŭ ich u svaju kišeń.

Užo praz try dni Varłamaŭ byŭ aryštavany i jamu vystavili abvinavačańnie ŭžo pa dvuch artykułach Kryminalnaha kodeksa Biełarusi — pa č. 2 art. 426, jakaja była raniej, i pa č.3 art.210 (kradziež šlacham złoŭžyvańnia słužbovymi paŭnamoctvami ŭ bujnym pamiery). Pavodle dadzienych śledstva, akramia vykarystanych nie pa pryznačeńni 300 miljonaŭ rubloŭ viadomy madeljer nibyta skraŭ 120 tys. jeŭra. Ciapier u spravie źjavilisia novyja abvinavačvańni i dadatkovyja sumy škody.

Pavodle dadzienych śledstva, mastacki kiraŭnik centra sučasnaha stylu i mody Universum models Biełaruskaha dziaržaŭnaha ŭniviersiteta, načalnik Centra moładzievaj mody Biełaruskaha dziaržaŭnaha ŭniviersiteta, z 2007 pa 2010 hh., «šlacham padmanu i złoŭžyvańnia davieram, dziejničajučy z karyślivaj i inšaj asabistaj zacikaŭlenaści, pieravyšajučy svaje słužbovyja paŭnamoctvy, u metach ździajśnieńnia kradziažu hrašovych srodkaŭ daŭ niezakonnyja ŭkazańni padnačalenym jamu rabotnikam na ažyćciaŭleńnie niezakonnaha zboru hrašovych srodkaŭ z baćkoŭ dziaciej, jakija brali ŭdzieł u pakazach mod u jakaści madelaŭ padčas praviadzieńnia mižnarodnych tvorčych majsterniaŭ za miažoj».

Tak, pavodle dadzienych śledstva, pierad kožnaj pajezdkaj u krainy Jeŭropy Varłamaŭ braŭ ad 220 da 450 jeŭra z adnaho čałavieka. Zbor hetych srodkaŭ matyvavaŭsia nieabchodnaściu pahasić vydatki na pajezdku, ale nasamreč vydatki ŭžo apłačvalisia ź inšaj krynicy. Jak ŭpeŭnienyja śledčyja, sabranyja hrašovyja srodki byli pieradadzienyja Varłamavu, jaki rasparadziŭsia imi ŭ svaich karyślivych metach.

Pavodle padlikaŭ śledčych, usiaho za nazvany pieryjad času Varłamaŭ zavałodaŭ hrašovymi srodkami na ahulnuju sumu nie mienš za 35 miljonaŭ rubloŭ.

• 0
• 0
• 0
• 0
• 0
• 0
• 0
• 0