Vosiem pytańniaŭ da novaha hienprakurora

«Paśla pierapiski z prakuraturaj skłałasia ŭražańnie, što nas ličać ludźmi druhoha hatunku. Ciapier my adčuvajem, što nas zusim za lu-dziej nie ličać», — z takimi słovami ŭ «NN» źviarnuŭsia Chačatur Chačaturan ź Viciebska.

U lutym 2011 Viarchoŭny Sud pakinuŭ bieź źmienaŭ apraŭdalny prysud Mahiloŭskaha abłasnoha suda ŭ dačynieńni da jaho syna Alaksandra Łohinava i Alaksandra Napajuka, jakich vinavacili ŭ zabojstvie 31-hadovaha biespracoŭnaha D. Sidarava (padrabiaźniej pra heta čytajcie ŭ №9 «NN» za 9 sakavika 2011). U sudzie byli dakazanyja fakty falsifikacyi spravy supracoŭnikami viciebskaj milicyi, a taksama akazańnia cisku na padazravanych u časie papiaredniaha śledstva. U mai pa faktach prymianieńnia niezakonnych mietadaŭ daznańnia supracoŭnikami Pieršamajskaha RAUS Viciebska była raspačataja kryminalnaja sprava.

Z momantu vyzvaleńnia padletkaŭ ich baćki, a taksama paŭsotni žycharoŭ Viciebska napisali kala 150 listoŭ u Hienprakuraturu i Administracyju Łukašenki z patrabavańniem spraviadlivaha pakarańnia dla śledčych. «I atrymali adny adpiski. Dajšło da taho, što namieśnik hienprakurora Konan u svaich adkazach piša z pamyłkami proźvišča śledčaha — adnaho z hałoŭnych fihurantaŭ spravy», — kaža Chačaturan.

Jon miarkuje, što hałoŭnaj prablemaj źjaŭlajecca kruhavaja paruka ŭ pravaachoŭnych orhanach. Tym nie mienš, uskładaje nadziei na novapryznačanaha hienprakurora Alaksandra Kaniuka. Jamu padpisanty adrasavali vosiem pytańniaŭ pa spravie, adkazy na jakija biespaśpiachova sprabavali atrymać ad jaho papiarednika Ryhora Vasileviča. «NN» publikuje ich taksama.

1.

Na jakoj padstavie z najhrubiejšymi pa-rušeńniami zakanadaŭstva byli zatrymanyja ŭ červieni 2009 i ŭtrymlivalisia pad śledstvam bolš za hod niepaŭnaletnija?

Padpisanty nahadvajuć, što hałoŭnaja śviedka abvinavačvańnia A. Sulimava pačała davać pakazańni paśla zatrymańnia za kradziež. Pry hetym v.a. načalnika Pieršamajskaha RAUS chadajničaŭ, kab sud uličyŭ jaje status asnoŭnaha śviedki ŭ spravie ab zabojstvie.

2.

Jak patłumačyć stałuju padtasoŭku času śmierci Sidarava? U pastanovach ad lipienia 2009 da krasavika 2010 mierkavany čas zabojstva «ssunuŭsia» z «pryblizna ŭ 13 hadzin» da «pamiž 15 i 17 hadzinami».

Padpisanty miarkujuć, što viciebskija śledčyja dabilisia ad miascovych ekśpiertaŭ «zručnaha» dla ich časavaha intervału. Adnak paŭtornaja ekśpiertyza, pravie-dzienaja ŭ Minsku, razburyła hetyja płany.

3.

Na jakoj padstavie dzieci trapili na stacyjanarnaje abśledavańnie ŭ «Navinki»?

Da zatrymańnia A. Łohinaŭ nie znachodziŭsia nad nahladam ni ŭ narkałahičnym, ni ŭ psichijatryčnym dyspansierach. U «Navinkach» jon pravioŭ amal miesiac biez asabistaj spravy i nakiravańnia ź Viciebskaha psichanieŭrałahičnaha dyspansiera.

4.

Čamu na praciahu ŭsiaho śledstva baćkam nie dali nivodnaha spatkańnia ź niepaŭnaletnimi dziećmi?

5.

Na jakoj padstavie ŭ kamiery da niepaŭnaletnich padsialali asudžanych za zabojstvy darosłych, recydyvistaŭ, jakija paśla na sudzie śviedčyli suprać padletkaŭ?

6.

Jak možna patłumačyć dziejańni śledčych Ju. Ščaćko i A. Taŭtyna, jakija dabivalisia ad śviedak dačy niepraŭdzivych pakazańniaŭ, meta jakich — dakazać vinu nievinavatych?

Padpisanty nahadvajuć, što ŭ časie suda šerah śviedak admovilisia ad papiarednich pakazańniaŭ.

7.

Jakim čynam u kryminalnaj spravie ŭ razdrukoŭcy razmovaŭ pa chatnim telefonie A. Łohinava byli vyniatyja dva telefonnyja złučeńni?

Mienavita jany, jak stała viadoma ŭ sudzie, zabiaśpiečyli abvinavačanamu alibi.

8.

Čamu śledčy Ščaćko paśla pieravodu padazravanych u SIZA Minska za pieršyja try miesiacy śledstva tolki pa adnym razie dapytaŭ ich?

***

Z adkazu namieśnika hienprakurora A. Švieda ad 05.10.2011:

«…Vaš zvarot dałučany da materyjałaŭ kryminalnaj spravy dla pravierki vykładzienych faktaŭ śledčym šlacham. Jurydyčnaja acenka dziejańniaŭ słužbovych asob pravaachoŭnych orhanaŭ budzie dadziena ŭ ramkach rasśledavańnia dadzienaj kryminalnaj spravy, pra što Vam paviedamić śledčy, jaki pravodzić rasśledavańnie».

• 0
• 0
• 0
• 0
• 0
• 0
• 0
• 0