«Biełaruś trapiła ŭ śfieru intaresaŭ suśvietnaj zakulisy».
Zachad imkniecca raschistać situacyju ŭ Biełarusi dla ŭklučeńnia respubliki ŭ śfieru svajho ŭpłyvu. Ab hetym siońnia zajaviŭ Alaksandr Łukašenka na palihonie pablizu Hrodna, padvodziačy vyniki i staviačy zadačy pa dalejšamu raźvićciu terytaryjalnaj abarony ŭ krainie.
«Meta Zachadu bačnaja prostym vokam: im treba raschistać situacyju ŭ Biełarusi i adrezać jaje ad aktyŭnaha ŭdziełu ŭ mižnarodnych
Pavodle jaho słoŭ, z nabyćciom suvierenitetu Biełaruś taksama trapiła ŭ śfieru intaresaŭ suśvietnaj zakulisy.
«Zachadam užo ŭviedzieny roznyja sankcyi ŭ adnosinach da biełaruskich pradpryjemstvaŭ.Hetyja abmiežavalnyja miery pieraškadžajuć nibyta pa palityčnych pryčynach raŭnapraŭnamu ekanamičnamu supracoŭnictvu. Šyroka raspaŭsiudžany i inšyja formy ekanamičnaha nacisku, jakija nanosiać uron našym nacyjanalnym intaresam u ekanamičnaj śfiery», — padkreśliŭ jon.
Surjoznym vyklikam dla nacyjanalnaj biaśpieki źjaŭlajecca infarmacyjnaje i palityčnaje ŭmiašańnie zvonku.
«Siońnia jano maje rysy adkrytaj infarmacyjnaj vajny. Dla hetaha zadziejničajucca takija resursy, jak Internet, radyjostancyi i śpiecyjalna arhanizavanyja telekanały, haziety i časopisy, na jakija traciacca vialikija srodki. Pry hetym na nas pastajanna naciskajuć, paprakajuć u niedachopie svabody słova i pluralizmu»,— adznačyŭ biełaruski lidar.
«My bačym, jakimi vysokimi tempami idzie pašyreńnie NATO ŭ jeŭrapiejskim rehijonie, jak aktyŭna naroščvajecca vajennaja infrastruktura zachodnich i paŭnočnych susiedziaŭ pablizu našych hranic,— kanstatavaŭ Alaksandr Łukašenka. — Tryvožnym faktaram stanovicca toje, što apošnim časam u niekatorych susiednich krainach rehularna pravodziacca instruktažy i śpiecyjalnyja narady z udziełam vysokapastaŭlenych čynoŭnikaŭ dziarždepartamienta i sienataraŭ ZŠA, ministraŭ i palitykaŭ jeŭrapiejskich krain ź vielmi pravakacyjnym paradkam dnia. Jak zrabić revalucyju ŭ Biełarusi, jak źmianić kanstytucyjny ład i da taho padobnymi, adkryta varožymi temami. Niedaaceńvać takija źjavy nielha», — padkreśliŭ jon.
Pavodle jaho słoŭ, najbolš raźvityja krainy Zachadu imknucca da poŭnaha kantrolu nad pryrodnymi resursami ŭsioj płaniety. «Apošnija dziesiacihodździ my ŭvieś čas nazirajem imknieńnie najbolš raźvitych krain Zachadu da poŭnaha kantrolu nad pryrodnymi resursami ŭsioj płaniety.
Takaja palityka vyliłasia faktyčna ŭ kampaniju pa kałanizacyi mienš raźvitych dziaržaŭ i cełych rehijonaŭ. Dla hetaha vykarystoŭvajucca jak biazzbrojnyja formy baraćby, tak niaredka i vajennaja siła»,— skazaŭ Łukašenka.
I kolki b ni kazałasia z vysokich trybun ab ŭsieahulnym miry i biaśpiecy, na praktycy jany zastajucca tolki deklaracyjami, pierakanany Łukašenka. «U roznych kutkach płaniety nie cišejuć kryvavyja kanflikty. Pad zakliki ab demakratyi hinuć tysiačy ludziej. Ździajśniajucca niejmaviernyja pa svajoj žorstkaści terakty», — zajaviŭ biełaruski kiraŭnik.
Pavodle jaho słoŭ, sučasnyja vojny pa formach i srodkach viadzieńnia ŭ korani adroźnivajucca ad tych, jakija byli raniej. «Asnoŭnyja batalii razhortvajucca na mižnarodnych forumach, a rašeńnie ab napadzie na čarhovuju krainu prymajecca ŭ kułuarach vuzkim kołam zacikaŭlenych asob.
Abaviazkovymi elemientami stanoviacca infarmacyjnyja ataki, destabilizacyja abstanoŭki, raździmańnie pratestnych nastrojaŭ siarod nasielnictva.Zatym na peŭnym etapie padklučajucca siły śpiecyjalnych apieracyj. Jany pad prykryćciom «narodnych» chvalavańniaŭ sumiesna z «piataj ŭnutranaj kałonaj» zaviaršajuć razhrom toj ci inšaj krainy. Ab hetym kažuć arabskija revalucyi, źniščeńnie Livii jak suvierennaj dziaržavy «, — cytuje Łukašenku BiełTA.
Apieracyju NATO ŭ Livii jon nazvaŭ aktam vandalizmu XXI stahodździa.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»31
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary