Nacyjanalny bank prahnazuje siaredni abmienny kurs u 2012 hodzie na ŭzroŭni r8 500 za $1. Ab hetym zajaviŭ na pasiadžeńni Saŭmina pieršy namieśnik staršyni praŭleńnia Nacbanka Juryj Ałymaŭ.
«Zhodna z raźlikami, siaredniehadavoje značeńnie abmiennaha kursu biełaruskaha rubla da dalara aceńvajecca ŭ 2012 hodzie na ŭzroŭni 8 500», — skazaŭ pradstaŭnik Nacbanka.
Jury Ałymaŭ adznačyŭ, što palityka ŭ halinie abmiennaha kursu ŭ nastupnym hodzie budzie nakiravana na pavyšeńnie hnutkaści abmiennaha kursu nacyjanalnaj valuty dla dasiahnieńnia i zachavańnia ŭnutranaj i źniešniaj zbałansavanaści. Pa słovach ekśpierta, z ulikam pierachodu Nacbanka na režym «kiravanaje płavańnie kursu», Nacbank ustrymlivajecca ad publičnych abjavaŭ minimalnych abmiežavańniaŭ kursavoj palityki.
Pieršy namieśnica kiraŭnika Nacbanka padkreśliŭ, što abmienny kurs biełaruskaha rubla farmujecca pry minimalnym udziele Nacbanka. Interviencyi buduć nasić kropkavy charaktar i buduć nakiravany na zhładžvańnie vahańniaŭ na valutnym rynku.
Jury Ałymaŭ dadaŭ, što harantyjaj stabilnaści nacyjanalnaj valuty ŭ budučyni stanie dastatkovy ŭzrovień zołatavalutnych reziervaŭ. Z krasavika hetaha hoda ŭzrovień ZVR u krainie stabilizavaŭsia. Z ulikam pastupleńnia srodkaŭ z Antykryzisnaha fondu JeŭrAzES u $800 młn. i pryciahnieńnia kredytu z Azierbajdžana ŭ pamiery $300 młn. mižnarodnyja reziervovyja aktyvy Biełarusi pavialičylisia prykładna na $1 młrd. Pradstaŭnik Nacbanka dadaŭ, što ŭ vypadku dasiahnieńnia damoŭlenaści z Rasijaj ab źnižeńni cany na haz ZVR Biełarusi mohuć dadatkova pavialičycca jašče na $1,5 młrd.
Pieršy namieśnik staršyni praŭleńnia Nacbanka nahadaŭ, što Biełarusi treba budzie hasić značnyja abjomy ŭnutranych i źniešnich abaviazacielstvaŭ. Usiaho ŭ 2012–2014 hadach płaciažy Minfina i Nacbanka pa źniešnich i ŭnutranym abaviazacielstvach u zamiežnaj valucie składuć $ 8,9 młrd.
***
Minekanomiki ŭčora sprazhnazavała kurs dalara ad 9 700 da 22 000 u zaležnaści ad abjomaŭ emisii, tempaŭ inflacyi.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5252
Kamientary