Zvolnili za toje, što była sakratarkaj BRSM

Biełaruskamoŭnaja ŭ žyćci, paśla straty pracy dziaŭčyna raźvitałasia i ź Biełaruskim respublikanskim sajuzam moładzi.

U svaje 22 hady Daša Jacevič maje niadrennaje CV: udzieł u kamiernym chory i kursach žurnalistyki ŭ BDU, praca na bujnym rekłamnym partale, arhanizacyja rekłamnych festaŭ. I da ŭsiaho hetaha staršynstva ŭ supołcy BRSM na rodnym fakultecie Mižnarodnych ekanamičnych adnosinaŭ BDEU. Adnak kožnaja z hetych pasadaŭ dalisia Dašy, jak kažuć, kryvioju i potam. Bolej za toje, z časam vyśvietliłasia, što Daša, biełaruskamoŭnaja rekłama i BRSM — nie sumiaščalnyja.

«Ja była sakratarkaj BRSM na svaim fakultecie dva hady zapar, — raspaviadaje Daša ŭ čas karotkaj sustrečy, na jakuju jana ledź znajšła čas pamiž parami va ŭniviersitecie, hramadskaj dziejnaściu i pracaj. — Plusy hetaj arhanizacyi ŭ tym, što jana maje hrošy, a ty vučyšsia ich vykarystoŭvać tak, jak chočaš».

«Tam jość roznyja kirunki pracy, ja zajmałasia infarmacyjnaj padtrymkaj: heta padtrymka sajtu fakultetu MEA i ŭniversiteckaha sajta BRSM. Jašče my vypuskali hazietu „Studencki vieśnik“.

— Kali ty ŭvohule patrapiła ŭ BRSM?

— Jašče sa škoły. Ja sama viaskovaja. Škołka ŭ nas maleńkaja. I nam vielmi chaciełasia čym-niebudź zajmacca, ale akramia BRSMa ničoha nie było. Padčas majoj školnaj dziejnaści ŭ BRSM my arhanizoŭvali roznyja hulni pamiž školnikami i nastaŭnikami, udzielničali ŭ mižnarodnym ruchu suprać ŚNIDu. Nie skažu, što my ŭstupali prymusova, prosta ŭ nas byli cikavyja arhanizatary i alternatyŭnaj arhanizacyi nie było».

— A zaraz ty bolš nie zajmaješsia aktyŭnaj dziejnaściu ŭ BRSM? Nie staje času?

— Nie zusim. Raniej ja pracavała na bujny rekłamny partał, jany byli adnymi z arhanizataraŭ fiestyvala rekłamy, i ja taksama ŭdzielničała ŭ arhanizacyi hetaha fiestyvala. Na toj čas była taksama sakratarkaj BRSM na fakultecie. Arhanizatary daviedalisia i skazali mnie: «Ty ŭ BRSM. Tak nielha. Ty nia možaš być pijar-mieniedžaram fiestyvala. Heta mocna bje pa jaho prestyžy».

Tak mianie zvolnili. Situacyja ŭvohule nadzvyčajnaja: zazvyčaj prynižajuć moładź, jakaja nie ŭ BRSM, a tut usio naadvarot. Potym ja znajšła inšuju pracu, dzie nikomu niama spravy da majoj dziejnaści i ŭžo nie staje času dla BRSM».

— Što b ty chacieła źmianić u BRSM?

— Ja liču, što hałoŭnaje dla studenta — heta prava vybaru. Ja b nie naviazvała b siabroŭstva ŭ BRSM. Kali studentu padabajecca toje, što jany robiać, jon dobraachvotna ustupić. Ale ja b nie chacieła znoŭku zajmacca aktyŭnaj dziejnaściu ŭ BRSM. Miarkuju, što heta niapravilna, kali niama alternatyvy hetaj arhanizacyi. Varta stvaryć kankurencyju dla BRSM.

• 0
• 0
• 0
• 0
• 0
• 0
• 0
• 0