I tče zabyŭšysia ruka...

28 listapada ŭ Nacyjanalnym mastackim muziei prajšła prezientacyja historyka-kulturnaha prajekta «Słuckija pajasy — nacyjanalnaja spadčyna i honar Biełarusi». U liku arhanizataraŭ prajekta — Ministerstva kultury i NMM.

Jak zajaviŭ dyrektar NMM Uładzimir Prakapcoŭ, prajekt pryśviečany 120-hodździu z dnia naradžeńnia Maksima Bahdanoviča. U ramkach prajekta na sud hledačoŭ byli pradstaŭleny nastolny kalandar na 2012 hod «Słuckija pajasy» RUP «Minskaja drukarskaja fabryka» Dziaržznaka i chranikalna-dakumientalny film «Słuckija pajasy — znaki losu» RUP «Biełaruski videacentr».

«Heta — vielmi znakavaja padzieja, dla nas słuckija pajasy — heta nacyjanalny honar, naš brend», — skazaŭ Prakapcoŭ. Jon nahadaŭ, što ŭ Biełarusi słuckich pajasoŭ zachavałasia niašmat. U NMM da niadaŭniaha času dva hady demanstravalisia słuckija pajasy z Rasii. Ciapier viaducca pieramovy ab tym, kab u nastupnym hodzie pryvieźci ŭ Biełaruś pajasy z Ukrainy i Litvy. U 2012 hodzie taksama płanujecca prezientavać siarebranuju manietu, pryśviečanuju słuckim pajasam.

Pavodle słoŭ Prakapcova, kalandar i dyski ź videafilmam prajekta buduć dastupnyja ŭ kijoskach muzieja. Jany taksama buduć raspaŭsiudžvacca ŭ knižnych mahazinach Biełarusi.

Namieśnik dyrektara pa kamiercyjnych pytańniach Minskaj drukarskaj fabryki Dziaržznaka Ludmiła Vitkievič paviedamiła, što kalandar vydadzieny nakładam 1,5 tys. asobnikaŭ, jon užo pastupiŭ u prodaž. Pavodle jaje słoŭ, stvaralniki kalendara imknulisia da taho, kab piaredni jaho bok vyhladaŭ jak tkanina. «My pastaralisia vykarystać śpiecyjalnuju papieru i mietalizavanaj farbaj pastaralisia pieradać technałohiju, strukturu, jakaść słuckich pajasoŭ i ihru zołata na soncy», — skazała jana.

Namieśnik ministra kultury Tadevuš Stružecki, u svaju čarhu, vykazaŭ upeŭnienaść, što prezientacyja nadaść impuls i inšym cikavym idejam, źviazanym sa słuckimi pajasami.

Jon taksama nahadaŭ pra inšyja mierapryjemstvy, pryśviečanyja 120-hodździu z dnia naradžeńnia Maksima Bahdanoviča, jakija projduć u najbližejšyja niekalki dzion. U ich liku — mastackaja vystava ŭ Pałacy mastactvaŭ, viečary ŭ Biełaruskaj dziaržaŭnaj fiłarmonii z prezientacyjaj tvoraŭ na vieršy Bahdanoviča ŭ vykanańni nacyjanalnych kalektyvaŭ, tvorčy viečar u Nacyjanalnym mastackim muziei. Mierapryjemstvy, pryśviečanyja 120-hodździu z dnia naradžeńnia paeta, prachodziać i ŭ inšych krainach — Litvie, Łatvii, Estonii, Polščy, Rasii i Ukrainie.

• 0
• 0
• 0
• 0
• 0
• 0
• 0
• 0