Invalid druhoj hrupy minčanka Śviatłana Čornaja praciahvaje haładoŭku, patrabujučy admieny śmiarotnaj kary dla Dźmitryja Kanavałava i Uładzisłava Kavalova.
Jak zajaviła Čornaja, jana sumniavajecca, što sud pakaraŭ sapraŭdy vinavatych ludziej, i pra heta jana napisała ŭ liście na imia Alaksandra Łukašenki.
«Jak hramadzianka Respubliki Biełaruś, jakaja naležyć da jaje naroda, ad svajho imia prašu vas nie dapuścić śmiarotnaj kary Kanavałava i Kavalova, na jakuju jany asudžany 30 listapada Viarchoŭnym sudom Respubliki Biełaruś. Naša kraina — cyvilizavanaja dziaržava. Adnak u joj chočuć pakarać śmierciu dvuch maładych chłopcaŭ, vina jakich vyklikaje sumnieńnie niemałoj častki nasielnictva majoj krainy, uklučajučy paciarpiełych ad terakta, za jaki byli asudžany pryhavoranyja», — havorycca ŭ zvarocie da Łukašenki.
U intervju Śviatłana Čornaja źviartaje ŭvahu na šerah nieadpaviednaściaŭ i niavyśvietlenych akaličnaściaŭ padčas rasśledavańnia kryminalnaj spravy, zaklikaje ludziej nie zastavacca abyjakavymi da losu pryhavoranych, a paciarpiełych hramadzian, kaho taksama nie pierakanała rašeńnie suda, — pisać nahladnyja skarhi.
«Ja čakaju nie adkazu na svoj list — čakaju reakcyi. <…> Spadziajusia na toje, što jon nie pakinie ludziej abyjakavymi», — zaklučaje Śviatłana Čornaja.
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary