Інвалід другой групы мінчанка Святлана Чорная працягвае галадоўку, патрабуючы адмены смяротнай кары для Дзмітрыя Канавалава і Уладзіслава Кавалёва.
Як заявіла Чорная, яна сумняваецца, што суд пакараў сапраўды вінаватых людзей, і пра гэта яна напісала ў лісце на імя Аляксандра Лукашэнкі.
«Як грамадзянка Рэспублікі Беларусь, якая належыць да яе народа, ад свайго імя прашу вас не дапусціць смяротнай кары Канавалава і Кавалёва, на якую яны асуджаны 30 лістапада Вярхоўным судом Рэспублікі Беларусь. Наша краіна — цывілізаваная дзяржава. Аднак у ёй хочуць пакараць смерцю двух маладых хлопцаў, віна якіх выклікае сумненне немалой часткі насельніцтва маёй краіны, уключаючы пацярпелых ад тэракта, за які былі асуджаны прыгавораныя», — гаворыцца ў звароце да Лукашэнкі.
У інтэрв’ю Святлана Чорная звяртае ўвагу на шэраг неадпаведнасцяў і нявысветленых акалічнасцяў падчас расследавання крымінальнай справы, заклікае людзей не заставацца абыякавымі да лёсу прыгавораных, а пацярпелых грамадзян, каго таксама не пераканала рашэнне суда, — пісаць наглядныя скаргі.
«Я чакаю не адказу на свой ліст — чакаю рэакцыі. <…> Спадзяюся на тое, што ён не пакіне людзей абыякавымі», — заключае Святлана Чорная.
Цяпер чытаюць
«Патрабавалі, каб я з калегамі пры дзецях па-беларуску не размаўляла». Ці сутыкаюцца беларускамоўныя з булінгам у краіне10
Каментары