Pryz u studyju!
Dziela poŭnaj iluzii prazrystych vybaraŭ, dla pracedury rehistracyi kandydataŭ ja abraŭ by farmat prahramy «Chto choča stać miljaneram»… Feljeton Lolika Uškina.
Viadoŭca: Z vami šoŭ «Chto choča stać prezydentam». Našy praviły: atrymaŭšy paśviedčańnie ab rehistracyi, kandydat maje prava vykłaści svaju pazycyju, abraŭšy adnu z čatyroch versij adkazaŭ. U vypadku pamyłkovaha adkazu my vymušany skazać jamu «baj-baj».
Vitajcie Alaksandra M.! Rašeńnie ab udziele ŭ vybarach dałosia vam ciažka, bo: A) u krainie prapadajuć palityki; V) u vas jość skvarka i čarka; S) janki zapłacili mała hrošaj; D) vy viedajecie superrejtynh papularnaści prezydenta.
Alaksandar M.: Varyjant «A».
Viadoŭca: Niapravilna. Pravilny adkaz — «D». Byvajcie, Alaksandar M. Sustrakajcie Alaksandra K. Ale vierniemsia ŭ studyju paśla reklamy kancertu «Za Biełaruś!».
(pauza)
Viadoŭca: Pačniom. Što vy mahli b supraćpastavić mahčymym falsyfikacyjam na ŭčastkach: A) prazrystyja skryni; B) bolšaść naziralnikaŭ z Uzbekistanu; S) bolš piva ŭ bufecie pry ŭčastku; D) daterminovaje hałasavańnie za paŭhodu.
Alaksandar K.: naturalna, «A».
Viadoŭca: Škada. Varyjant «V» byŭ pravilny. Byvajcie, Alaksandar. Nastupny ŭdzielnik — Siarhiej H. I meta vašaha ŭdziełu ŭ vybarach: A) pieramahčy prezydenta; V) zachavać stabilnaść u hramadztvie; S) davieści praŭdu ab kanflikcie pamiž plamionami tutsi i chutu; D) pakazać z ekrana jazyk Žyryku.
Siarhiej H.: A ci možna zvanok siabru?
Viadoŭca: Kali łaska.
Siarhiej H.: Alo, Administracyja? Kažycie chutčej, na fiha ja balatujusia hetym razam? Aha, jasna. Varyjant «V».
Viadoŭca: Pravilna, i vy možacie atrymać superpryz!
Siarhiej H.: Mo lepš mandat pałatnika?
Viadoŭca: Ci heta vaš apošni vybar?
Siarhiej H.: Tak.
Viadoŭca: A zaraz zaprašajem Alaksandra Ł. Ci zdoleje niechta atrymać superpryz. Pytańnie: za što ahitujuć artysty padčas turu kancertaŭ «Za Biełaruś!»: A) za vas; V) za Milinkieviča; S) za zabaronu prodažu kvitočkaŭ na metro z 18-j; D) za spažyvańnie johurtu «Savuškin pradukt».
Alaksandar Ł.: Ci možna 50/50?
Viadoŭca: Kali łaska. Zastalisia dva varyjanty: «A» i «D». Nu?
Alaksandar Ł.: Nikoli nie pavieru, kab muzyki viali niejkuju papiaredniuju ahitacyju. U nas samyja česnyja i adkrytyja vybary. Dumaju, «D».
Viadoŭca: Pravilna!!! Vitajcie pieramožcu. A z vami, siabry, sustreniemsia praź piać hadoŭ…
Ciapier čytajuć
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod22
Kamientary