Прыз у студыю!
Дзеля поўнай ілюзіі празрыстых выбараў, для працэдуры рэгістрацыі кандыдатаў я абраў бы фармат праграмы «Хто хоча стаць мільянэрам»… Фэльетон Лёліка Ушкіна.
Вядоўца: З вамі шоў «Хто хоча стаць прэзыдэнтам». Нашы правілы: атрымаўшы пасьведчаньне аб рэгістрацыі, кандыдат мае права выкласьці сваю пазыцыю, абраўшы адну з чатырох вэрсій адказаў. У выпадку памылковага адказу мы вымушаны сказаць яму «бай-бай».
Вітайце Аляксандра М.! Рашэньне аб удзеле ў выбарах далося вам цяжка, бо: А) у краіне прападаюць палітыкі; В) у вас ёсьць скварка і чарка; С) янкі заплацілі мала грошай; D) вы ведаеце супэррэйтынг папулярнасьці прэзыдэнта.
Аляксандар М.: Варыянт «A».
Вядоўца: Няправільна. Правільны адказ — «D». Бывайце, Аляксандар М. Сустракайце Аляксандра К. Але вернемся ў студыю пасьля рэклямы канцэрту «За Беларусь!».
(пауза)
Вядоўца: Пачнём. Што вы маглі б супрацьпаставіць магчымым фальсыфікацыям на ўчастках: А) празрыстыя скрыні; B) большасьць назіральнікаў з Узбэкістану; С) больш піва ў буфэце пры ўчастку; Д) датэрміновае галасаваньне за паўгоду.
Аляксандар К.: натуральна, «А».
Вядоўца: Шкада. Варыянт «В» быў правільны. Бывайце, Аляксандар. Наступны ўдзельнік — Сяргей Г. І мэта вашага ўдзелу ў выбарах: А) перамагчы прэзыдэнта; В) захаваць стабільнасьць у грамадзтве; С) давесьці праўду аб канфлікце паміж плямёнамі тутсі і хуту; D) паказаць з экрана язык Жырыку.
Сяргей Г.: А ці можна званок сябру?
Вядоўца: Калі ласка.
Сяргей Г.: Алё, Адміністрацыя? Кажыце хутчэй, на фіга я балятуюся гэтым разам? Ага, ясна. Варыянт «В».
Вядоўца: Правільна, і вы можаце атрымаць супэрпрыз!
Сяргей Г.: Мо лепш мандат палатніка?
Вядоўца: Ці гэта ваш апошні выбар?
Сяргей Г.: Так.
Вядоўца: А зараз запрашаем Аляксандра Л. Ці здолее нехта атрымаць супэрпрыз. Пытаньне: за што агітуюць артысты падчас туру канцэртаў «За Беларусь!»: А) за вас; В) за Мілінкевіча; С) за забарону продажу квіточкаў на мэтро з 18-й; D) за спажываньне ёгурту «Савушкін прадукт».
Аляксандар Л.: Ці можна 50/50?
Вядоўца: Калі ласка. Засталіся два варыянты: «А» і «D». Ну?
Аляксандар Л.: Ніколі не паверу, каб музыкі вялі нейкую папярэднюю агітацыю. У нас самыя чэсныя і адкрытыя выбары. Думаю, «D».
Вядоўца: Правільна!!! Вітайце пераможцу. А з вамі, сябры, сустрэнемся празь пяць гадоў…
-
Лукашэнка пачынае ўсведамляць наступствы разбурэння сусветнага парадку
-
Севярынец: Тая лінія, якую вядзе Бабарыка — гэта не маё. А з Калеснікавай можа вырасці класны беларускі палітык
-
Бяляцкі ў тэксце для New York Times: Свет не павінен спісваць Беларусь як краіну, якая канчаткова адышла ў сферу ўплыву Расіі
Цяпер чытаюць
«Муж сышоў з Сіплым і Малым». Імаверна, пад Краматорскам украінцы адным махам убайдосілі трох беларускіх наёмнікаў19
Каментары