Na 22 śniežnia ŭ Breście zapłanavanaje adkryćcio novaj kramy «Jeŭraopt» handlovaj sietki «Jeŭrahandal».Krama raźmiaščajecca ŭzdoŭž Varšaŭskaj šašy za niekalki chvilin ad punkta propusku «Varšaŭski most».
Pa słovach dyrektara, Stanisłava Krukoŭskaha, hety handlovy abjekt stanie samym bujnym va ŭsioj respublicy siarod śpiecyjalizavanych kramaŭ «Jeŭrahandlu», nie ličačy staličnych, jakija byli pieraabstalavanyja ź inšych płoščaŭ. Handlovaja płošča novabudoŭli skłała 4,7 tys. kvadratnych mietraŭ.
Jak i ŭ inšych kramach hetaj handlovaj sietki, «Jeŭraopt» na «Varšaŭcy» budzie raźličany na siaredniaje źviano pakupnikoŭ, jakich budzie pryciahvać šyroki asartymient i dastupnaja cenavaja palityka, tradycyjnyja dla sietki akcyi, dyskontnyja karty. Vybar praduktaŭ charčavańnia tradycyjny: bakaleja, alej, krupy, kansiervy. Akramia taho, u kramie buduć pracavać kulinarny i miasny cechi. Svaju pradukcyju ŭ «Jeŭraopcie» buduć hatavać na sučasnym italjanskim abstalavańni. 30–40% płoščaŭ budzie addadziena pad realizacyju pramysłovaj hrupy tavaraŭ, dzie siarod inšych firmaŭ budzie pracavać i mahazin techniki «Jeŭrahandal».
— Nami praduhledžany vialiki servis spadarožnych pasłuh, — kaža Stanisłaŭ Krukoŭski, — ale, na žal, nie ŭsie partniory zapuściacca adnačasova. Niekatoryja paprasili paŭzy. Sprava ŭ tym, što abstalavańnie zavozicca nie tolki ajčynnaje. Jość niekatoryja impartnyja detali, jakimi jaho nieabchodna daabstalavać.
Pašpart Novaj Biełarusi pačnuć vydavać z 26 studzienia. Što viadoma i jak atrymać?102
Kamientary