На 22 снежня ў Брэсце запланаванае адкрыццё новай крамы «Еўраопт» гандлёвай сеткі «Еўрагандаль».Крама размяшчаецца ўздоўж Варшаўскай шашы за некалькі хвілін ад пункта пропуску «Варшаўскі мост».
Па словах дырэктара, Станіслава Крукоўскага, гэты гандлёвы аб’ект стане самым буйным ва ўсёй рэспубліцы сярод спецыялізаваных крамаў «Еўрагандлю», не лічачы сталічных, якія былі пераабсталяваныя з іншых плошчаў. Гандлёвая плошча новабудоўлі склала 4,7 тыс. квадратных метраў.
Як і ў іншых крамах гэтай гандлёвай сеткі, «Еўраопт» на «Варшаўцы» будзе разлічаны на сярэдняе звяно пакупнікоў, якіх будзе прыцягваць шырокі асартымент і даступная цэнавая палітыка, традыцыйныя для сеткі акцыі, дысконтныя карты. Выбар прадуктаў харчавання традыцыйны: бакалея, алей, крупы, кансервы. Акрамя таго, у краме будуць працаваць кулінарны і мясны цэхі. Сваю прадукцыю ў «Еўраопце» будуць гатаваць на сучасным італьянскім абсталяванні. 30–40% плошчаў будзе аддадзена пад рэалізацыю прамысловай групы тавараў, дзе сярод іншых фірмаў будзе працаваць і магазін тэхнікі «Еўрагандаль».
— Намі прадугледжаны вялікі сэрвіс спадарожных паслуг, — кажа Станіслаў Крукоўскі, — але, на жаль, не ўсе партнёры запусцяцца адначасова. Некаторыя папрасілі паўзы. Справа ў тым, што абсталяванне завозіцца не толькі айчыннае. Ёсць некаторыя імпартныя дэталі, якімі яго неабходна даабсталяваць.
Каментары