Ministerstva pa padatkach i zborach prosić Miniust inicyjavać praces likvidacyi BCHK

Ministerstva pa padatkach i zborach prosić Ministerstva justycyi inicyjavać praces likvidacyi RPHA «Biełaruski Chielsinski kamitet». Pra heta staršyni BCHK Alehu Hułaku paviedamili ŭ Miniuście.

Jak adznačajecca na sajcie pravaabarončaj arhanizacyi, pavodle biełaruskaha zakanadaŭstva, pry najaŭnaści dvuch papiaredžańniaŭ, vyniesienych hramadskamu abjadnańniu za hod, Miniust maje prava padać u sud patrabavańnie ab prypynieńni dziejnaści ci likvidacyi arhanizacyi.

Pieršaje ŭ 2011 hodzie papiaredžańnie BCHK atrymaŭ 12 studzienia za «parušeńnie zakanadaŭstva ab hramadskich abjadnańniach, srodkach masavaj infarmacyi, raspaŭsiudžvańnie niedakładnaj infarmacyi». 6 červienia Miniust vynies druhoje papiaredžańnie arhanizacyi za «parušeńni padatkovaha zakanadaŭstva, jakija nosiać praciahły charaktar». Abskardžańnie hetaha papiaredžańnia ŭ sudovym paradku nie dało pravaabaroncam stanoŭčych vynikaŭ.

Pavodle mierkavańnia aficyjnych asob,

BCHK pavinien zapłacić u biudžet bolš za 240 młn. rubloŭ padatkaŭ i štrafnych sankcyj pa vykarystanych u 2002–2003 hadach hrantach Jeŭrakamisii,

Inśpiekcyja Ministerstva pa padatkach i zborach pa Maskoŭskim rajonie Minska paćvierdziła metavaje vykarystańnie atrymanych srodkaŭ. Razam z tym inśpiekcyja adniesła hrantavyja srodki da dachodaŭ ad pazarealizacyjnaj dziejnaści i naličyła sumu da vypłaty.

BCHK ličyć rašeńnie inśpiekcyi niezakonnym i abskardziŭ jaho ŭ sudovym paradku. Nacyjanalnyja sudy ŭsich instancyj pastanavili, što pravaabaroncy ničoha nie pavinny vypłačvać u biudžet.

Adnak napiaredadni prezidenckich vybaraŭ 2006 hoda, manitorynh jakich ažyćciaŭlaŭ BCHK, rašeńni haspadarčych sudoŭ byli pierahledžanyja prezidyumam Vyšejšaha Haspadarčaha suda. Inśpiekcyja Ministerstva pa padatkach i zborach apisała i vyklučyła majomaść BCHK na sumu 255 tysiač rubloŭ. Rachunki arhanizacyi aryštavali.

Razam z tym u 2006 hodzie Departamient finansavych rasśledavańniaŭ Kamiteta dziaržkantrolu spyniŭ u suviazi z adsutnaściu padziei złačynstva kryminalnuju spravu, raspačatuju za ŭchileńnie ad vypłaty padatkaŭ u dačynieńni da słužbovych asob BCHK.

Ciapier BCHK viadzie pierapisku ź Miniustam pa hetaj prablemie.

Varta adznačyć, što Biełaruski Chielsinski kamitet — adzinaja aficyjna zarehistravanaja ŭ Biełarusi pravaabarončaja arhanizacyja respublikanskaha ŭzroŭniu. BCHK ažyćciaŭlaje manitorynh usich vybarčych kampanij, rychtuje ekśpiertnyja zaklučeńni pa najbolš rezanansnych spravach, akazvaje pravavuju padtrymku hramadzianam u 11 haradach krainy.

• 0
• 0
• 0
• 0
• 0
• 0
• 0
• 0