Chaj bieźlič ladovych pałacaŭ nie stajać pustymi.
Biaśśniežnaja zima, ź jakoj biełarusy sustrakajucca ŭsio čaściej i čaściej, nakładaje svoj adbitak i na adpačynak. Ciapier ni pa lesie na łyžach pachadzić, ni z horki skacicca. Što ž rabić? Čas zhadać pra kańki. Chaj bieźlič ladovych pałacaŭ, nabudavanych pa ŭsioj krainie, nie stajać pustymi. U haradach, dzie ladovaja placoŭka adna, vybaru, kudy iści, nie budzie, a voś u Minsku — vočy raźbiahajucca.
U Minsku 45-chvilinnaje koŭzańnie razam z prakatam kańkoŭ kaštuje ŭ siarednim 20 tysiač rubloŭ.
Usie zhadanyja koŭzanki źjaŭlajucca krytymi (za vyklučeńniem koŭzanki ŭ Čyžoŭcy, jakaja pačała pracavać niekalki dzion tamu). Katacca tam možna pry lubym nadvorji.
Z nadychodam marazoŭ zapracujuć i adkrytyja koŭzanki, u tym liku na Kastryčnickaj płoščy. Ich zalivajuć paśla taho, jak siaredniaja tempieratura pavietra ciaham tydnia składzie -7o — -10oS, a taksama pry najaŭnaści ŭstojlivaha śniehu, paviedamili ŭ Adździele fizičnaj kultury Centralnaha rajona. U Minsku naličvajecca bolš za 120 dvaravych koŭzanak, jakija taksama zapracujuć z prychodam sapraŭdnaj zimy.
Uziać kańki naprakat možna ŭ niekatorych minskich punktach prakatu.
Za sutki karystańnia kańkami vy zapłacicie ad 5 da 15 tysiač rubloŭ. Prakat na miesiac kaštuje ad 42 tysiač rubloŭ i vyšej.Novyja kańki kaštujuć u kramach Minska ad 200 da 600 tysiač i vyšej. Naprykład, u CUMie košty vahajucca ad 200 da 500 tysiač (vytvorčaść — Kitaj). Češskija kańki ŭ adnoj sa spartyŭnych kramaŭ kaštujuć 550-650 tysiač rubloŭ.
Pierad tym jak nabyvać, vyznačciesia, kańki jakoha vidu najbolš adpaviadajuć vašym patrabavańniam. Jość čatyry asnoŭnyja vidy: chakiejnyja, fihurnyja, kańkabiežnyje i prahułkavyja. Apošnija najbolš padychodziać pačatkoŭcam. Adpaviedna, pieršyja try — bolš prasunutym. Pra asablivaści kožnaha vidu vam padrabiazna raskažuć u śpiecyjalizavanych kramach.
Chutčej za ŭsio «ŭ nahruzku» vam prapanujuć jašče i termaškarpetki, jakija abaroniać stupni ad choładu i pry hetym zabiaśpiečać vientylacyju nahi.Kaštuje takoje zadavalnieńnie jak pałova kańkoŭ — 170-300 tysiač rubloŭ za paru.
Dyzajn kańkoŭ siońnia dosyć raznastajny. Aproč zvykłych voku biełych (žanočych) i čornych (mužčynskich), naprykład, jość varyjanty sa skury pad krakadziła ci stylizavanyja pad kiedy češskaj vytvorčaści.
Zavastryć kańki možna ŭ bolšaści krytych koŭzanak. Košt pasłuhi — kala 10 tysiač rubloŭ.
Ciapier čytajuć
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami21
Kamientary