Łukašenka: «Znajdzicie narmalnuju kałoniju, i niachaj Sańnikaŭ tam žyvie spakojna»
Na pres-kanfierencyi karespandent «NN» nahadaŭ, što Sańnikava etapujuć z turmy ŭ turmu, što Aŭtuchovič rezaŭ sabie vieny.
Łukašenka adkazvaŭ doŭha. Raskazaŭ, što «Dom urada hramili». Prasiŭ nie puskać streły ŭ jaho ŭ pytańni palitviaźniaŭ. I tut ža skazaŭ, što jon «apošniaja nadzieja» palitviaźniaŭ. I zapatrabavaŭ «nie dušyć na jaho ŭ pytańni palitviaźniaŭ».
«Navošta vy mianie daŭbajecie? Ja ž mahu tym ža adkazać i nie razmaŭlać bolš z vami na hetuju temu, — razdražniona zajaviŭ Łukašenka. — Ja chacieŭ by takoje pytańnie padniać. Ja nie namiakaju na toje, što ja kryvažerny i zrablu drenna, raz vy tak stavicie pytańnie. Ale kali vy čahości ad čałavieka chočacie, to vy na jaho nie dušycie, nie ckujcie».
«Paprosiać jany mianie pamiłavać — ja razhledžu. Heta nie značyć, što pamiłuju. Ja ich prośbu razhledžu, kali b jany da mianie źviarnulisia. Słuchaj, prezident, ty ž vialikadušny, ciabie ludzi prosiać, škodu kampiensavali, bolš nie budziem tak rabić, davajcie prymiem rašeńnie. Tolki tak, a nie inakš», — skazaŭ jon.
I daŭ ukazańnie Malcavu: «Znajdzicie narmalnuju kałoniju, i niachaj Sańnikaŭ tam žyvie spakojna». Toj ustaŭ i zarahataŭ. Heta nahadała śmiech čynoŭnikaŭ pry Łukašenkavym raskazvańni pra źbićcio Niaklajeva, u časie paślavybarčaj pres-kanfierencyi.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary