Michaił Čyhir, były premjer-ministar Biełarusi:
— Addam hołas Kazulinu. Jon — karektny, cichamirny, a Milinkievič źviazany z BNF, jany šmat zrabili pamyłak. A Kazulin supracoŭničaŭ z prezydentam, ja miarkuju, tak budzie i nadalej.
Uładzimier Vaŭčkoŭ, tenisist:
— Addam hołas Alaksandru Ryhoraviču Łukašenku. Bo ja pajeździŭ pa śviecie, pahladzieŭ, jak ludzi žyvuć, bačyŭ, što tam dziejeca i što takoje demakratyja.
Uładzimier Hančaryk, eks-kandydat u prezydenty:
— Kali ź ich dvoch vybirać, dyk Kazulinu. Kazulin demakratyčniejšy. Milinkievič — chutčej nastupalny typaž. Ale ŭsio zaležyć ad taho, jak buduć raźvivacca padziei. Moža być, Kazulin ź Milinkievičam jašče abjadnajucca.
Andrej Sańnikaŭ, inicyjatar «Chartyi'97»:
Milinkievič — kandydat prazrysty, jon prajšoŭ demakratyčny adbor na našych vačoch. Jaho platforma — plon kalektyŭnaje pracy prafesijanałaŭ. Chto i što staić za Kazulinym, pakul niajasna. Chaciełasia b vieryć, što jon fihura samastojnaja ci, jak najmieniej, hatovy joj stać.
Hienadź Buraŭkin, paet:
U Milinkieviča ŭsio jość, što pavinna być u palityka eŭrapiejskaha ŭzroŭniu. Jon nie staraŭsia ahałomšyć ludziej, siabie padać vyhadna. Adkazy jaho byli absalutna spakojnymi, razumnymi i nie spekulatyŭnymi. Moža być, jamu niejkaj charyzmy nie chapała asabistaj, to mnie ŭžo ad hetaj charyzmy, jakaja jość u krainie, motašna.
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
Kamientary