Małady front pieradaŭ bolš za 400 biełaruskich knih u biblijateki śledčych izalataraŭ i kałonij
Aktyvisty mižnarodnaha maładziožnaha abjadnańnia «Małady front» (Čechija) pieradali bolš za 400 biełaruskamoŭnych knih u biblijateki śledčych izalataraŭ i kałonij.Pra heta paviedamiła namieśnik staršyni arhanizacyi Nasta Pałažanka.
Pavodle jaje słoŭ, raniej «Małady front» pravodziŭ kampaniju «Biełaruskuju knihu — dzieciam!». U jaje miežach ź vieraśnia pa studzień aktyvisty arhanizacyi źbirali biełaruskamoŭnyja knihi, jakija pieradavali ŭ dziciačyja damy. «Ciapier, u suviazi z najaŭnaściu palitźniavolenych, naša meta źmianiłasia. My pieradajem biełaruskija knihi ŭ tyja papraŭčyja ŭstanovy, u jakich znachodziacca byłyja kandydaty ŭ prezidenty, palitźniavolenyja, i naohuł u biblijateki pienitencyjarnych ustanoŭ», — skazała Pałažanka.
Padčas znachodžańnia ŭ śledčym izalatary KDB Pałažanka daviedałasia, što tam u biblijatecy jość tolki dva asobniki Biblii. «Tamu ja asabista adpraviła tudy pasyłku ź Biblijami. Pasyłka nazad nie pryjšła, značyć, jaje tam pryniali», — ličyć Pałažanka.
Pavodle jaje słoŭ,
aktyvisty «Maładoha frontu» taksama adpraŭlali pasyłki ŭ śledčyja izalatary i miescy pazbaŭleńnia voli.«My dasyłali knihi jak pryvatnyja asoby. Dla taho kab pasyłki nie byli zabłakavany, kab nie było prablem. Nakolki ja zaraz viedaju, hetyja knihi turemnymi biblijatekami byli pryniaty ŭ dvuch śledčych izalatarach i dźviuch kałonijach», — adznačyła Pałažanka.
Ciapier čytajuć
65‑hadovaha hamielčuka asudzili za sprobu dyviersii na čyhuncy i zdradu dziaržavie. Što viadoma?4
Kamientary