Palitviaźnia pieraviali z kałonii ŭ krytuju turmu da kanca jahonaha terminu -- heta bolš, jak na dva hady.
U Ivacevickaj kałonii №5 siońnia prajšoŭ sud nad palitviaźniem Mikałajem Aŭtuchovičam. Sud vyrašyŭ źmianić umovy adbyćcia pakarańnia Aŭtuchoviča na turmu da kanca jaho termina -- prykładna na 2 hady i 2 miesiacy, paviedamiŭ były advakat Aŭtuchoviča Pavał Sapiełka.
Na dumku sudu, były pradprymalnik nie staŭ na šlach vypraŭleńnia, tamu jon budzie pieraviedzieny ŭ turmu. Pavodle Sapiełki, Aŭtuchovič, praŭdapadobna, budzie adbyvać pakarańnie ŭ Hrodzienskaj turmie.
Na sudzie Aŭtuchovič zajaviŭ, što pa-raniejšamu nie pryznaje siabie vinavatym.
Razhlad inicyjavała administracyja kałonii №5. Na jaje dumku, Aŭtuchovič parušaŭ režym i zasłuhoŭvaje bolš žorstkich umovaŭ utrymańnia, čym ciapier.
Mikałaj Aŭtuchovič adbyvaje termin 5 hadoŭ i 2 miesiacy ŭ Ivacevickaj kałonii ŭzmocnienaha režymu nibyta za niezakonnaje zachoŭvańnie i pieravozku piaci patronaŭ i palaŭničaj strelby.
Napiaredadni sudu nad Mikałajem Aŭtuchovičam trapiła pasłańnie ad palitviaźnia. Mikałaj piša, što hatovy da taho, što čakaje jaho paśla suda. Vykazvaje padziaku ŭsim znajomym i nieznajomym ludziam, jakija maralna padtrymlivali jaho.
Na minułym tydni padobny praces pa pieravodzie z kałonii ŭ turmu prajšoŭ nad Mikałajem Statkievičam. Jaho asudzili na try hady.
Ciapier čytajuć
U Drazdach vystavili na prodaž katedž z rekordnaj canoj — $7,5 miljona ŠMAT FOTA2
Kamientary