Na rejsy «Biełavija» možna budzie rehistravacca pry dapamozie mabilnaha telefona
Pasažyry Nacyjanalnaj avijakampanii «Biełavija» zmohuć rehistravacca na rejsy pry dapamozie mabilnych telefonaŭ. Pra heta napres-kanfierencyi 8 lutaha ŭ Minsku paviedamiŭ hienieralny dyrektar avijakampanii Anatol Husaraŭ.
Jon adznačyŭ, što ciapier viaducca aktyŭnyja pieramovy z partniorami pa realizacyi hetaha prajekta. «Užo letam pasažyry zmohuć rehistravacca na rejs pry dapamozie mabilnaha telefona», — padkreśliŭ Husaraŭ.
U 2011 hodzie rehularnyja paloty vykonvalisia «Biełavija» ŭ 37 aeraportaŭ 23 krain.Byli adkryty novyja rehularnyja rejsy z Nacyjanalnaha aeraporta Minsk u Chielsinki, Simfieropal i Karahandu, a taksama z Hrodna, Bresta i Homiela ŭ Kalininhrad. Rejsy ŭ Astanu i Hanovier stali rehularnymi.
Za minuły hod na dzieviatnaccaci maršrutach była pavialičana častata vykanańnia palotaŭ, dziakujučy čamu ŭdałosia značna pavialičyć kolkasnyja pakazčyki pieraviezienych pasažyraŭ.
Tak, za 2011 hod «Biełavija» było pieravieziena prykładna 1.036.000 pasažyraŭ, što składaje plus 7% da ŭzroŭniu 2010 hoda. Dla paraŭnańnia: u 2010 hodzie pasažyrapatok skłaŭ 968.000 čałaviek. Za hod było pieravieziena 1.586 ton hruzu, pošty i płatnaha bahažu. U 2010 hodzie hety pakazčyk składaŭ 1.500 ton.
Na samalotach zachodniaj vytvorčaści vykanana 92,2% usich rejsaŭ avijakampanii.
Ciapier fłot avijakampanii składajecca z 17 samalotaŭ, adnak vosieńniu 2012 hoda park «Biełavija» papoŭnicca dvuma novymi samalotami brazilskaj vytvorčaści
Akramia abnaŭleńnia parka, u płanach avijakampanii ŭ červieni 2012 hoda adkryćcio rejsa Minsk — Novasibirsk i pavieličeńnie častaty palotaŭ pa najaŭnych napramkach.
Kamientary