Z BDU adličyli studentku, jakaja ŭdzielničała ŭ vuličnych pratestach
Letam 2011-ha Nasta Šulejka była adnoj z arhanizatarak dapamohi zatrymanym na Akreścina.
Nasta navučałasia na 2-m kursie dzionnaha adździaleńnia Instytuta žurnalistyki BDU.31 śniežnia 2011 hoda jaje zatrymali kala IČU na Akreścina. Novy hod jana praviała za kratami.
Va ŭniviersitecie jana mieła zapazyčanaści pa zalikach, praz što nie dapuściłasia da siesii. A 24 studzienia byŭ padpisany zahad ab jaje adličeńni.
Dziaŭčyna skazała, što pra adličeńnie daviedałasia tolki ŭ lutym, kali patelefanavała ŭ dekanat. Chacieła spytać, što budzie dalej ź jaje zapazyčanaściami.
Nasta adznačyła, što nijakich dakumientaŭ ź milicyi administracyja VNU nie atrymlivała. Pavodle jaje infarmacyi, sami supracoŭniki šukali infarmacyju ŭ internecie.
25 listapada Šulejku zatrymali padčas akcyi ŭ padtrymku Alesia Bialackaha.Paśla hetaha va ŭniviersitecie była stvorana admysłovaja kamisija, na jakoj vyrašali, adličyć dziaŭčynu z VNU ci vynieści vymovu. Spynilisia na apošnim varyjancie.
19 śniežnia dziaŭčynu zatrymali paŭtorna, padčas malitvy kala Čyrvonaha kaścioła. Tady jana atrymała 700 tysiač štrafu.
Nasta skazała, što nie źbirajecca źjazdžać u Polšču pa prahramie Kalinoŭskaha. Naadvarot, jana spadziajecca pastupić na zavočnaje addialeńnie ŭ adnu z VNU Vilni, kab zastavacca ŭ Biełarusi.
Biełaruś — adzinaja kraina Jeŭropy, dzie studentaŭ vyhaniajuć z univiersitetaŭ za ŭdzieł u palityčnaj dziejnaści. U svoj čas rozhałas nabyli historyi z vyklučeńniem takich vybitnych studentaŭ, jak Tania Choma, Taćciana Šapućka, Franak Viačorka, Źmicier Žaleźničenka.
U studzieni hetaha hoda pracoŭnaja hrupa Bałonskaha praces vyniesła vierdykt: «Biełaruś nie hatovaja dałučycca da Jeŭrapiejskaj prastory vyšejšaj adukacyi».Siarod inšaha, jeŭrapiejskaja akademičnaja supolnaść ličyć, što biełaruskija ŭłady musiać «zabiaśpiečyć abaronu pravoŭ studentaŭ».
***
Nasta Šulejka raspaviadaje pra dapamohu zatrymanym na Akreścina paśla letašnich maŭklivych akcyj.
Kamientary