Incydent adbyŭsia ŭ pierachodzie mienskaha metro pierad tym, jak Rynkievič mieŭ adjechać na spatkańnie z klijentam.
Iharu Rynkieviču, advakatu źniavolenaha lidera Biełaruskaj sacyjał‑demakratyčnaj partyi «Hramada» Alaksandra Kazulina, 28 lutaha pahražaŭ nieviadomy čałaviek.
Incydent adbyŭsia ŭ pierachodzie mienskaha metro pierad tym, jak Rynkievič mieŭ adjechać na spatkańnie z klijentam. Rynkievič išoŭ na sustreču z bratam Kazulina, Uładzimieram.
«Mianie dahnaŭ čałaviek prykładna 30 hadoŭ, — raskazaŭ Rynkievič, — u spartyŭnym adzieńni i viazanaj šapačcy na vačach. Hety čałaviek skazaŭ: «Advakat, siońnia ty da svajho kazła nie dajedzieš». Paśla hetaha małady čałaviek źnik u pierachodzie. Ja vyjšaŭ da mašyny, pakinuŭ tam partfel z dakumentami, i my z Uładzimieram Kazulinym pasprabavali adšukać hetaha čałavieka. Adnak heta ŭ nas nie atrymałasia. Kantralor stancyi mietro dazvoliła mnie prajści na platformu, ale ciahnik sa stancyi metro ŭžo adpraŭlaŭsia. Tym nia mienš kantralor paviedamiła nam, što padobnyja pa apisańni ludzi prachodzili na stancyju z pradjaŭleńniem słužbovych paśviedčańniaŭ supracoŭnikaŭ pravaachoŭnych vorhanaŭ.
Rynkievič zajaviŭ ab incydencie milicyi, jakaja dziažuryła ŭ metro:»Hetuju pahrozu ja ŭspryniaŭ realna, — adznačyŭ Rynkievič, — bo nam treba było jašče jechać 300 kilametraŭ. Taksama ja vykazaŭ zhodu paśla pryjezdu ad svajho padabaronnaha napisać bolš razhornutaje tłumačeńnie pa fakcie pahrozaŭ».
U Rynkieviča niama dumki, kamu b zaležała na hetkich pahrozach jamu. «Kamu moža być vyhadna, — dadaŭ jon, — kab advakat nie dajechaŭ da svajho padabaronnaha? Abo kryminalnym strukturam, abo tym, chto z hetymi strukturami zmahajecca. Siońnia na spatkańni z Kazulinym ja vyśvietlu, ci maje jon jakija‑niebudź kanflikty z astatnimi źniavolenymi. Tady koła tych, kamu heta moža być vyhadna, zvuzicca.»
Fota z sajtu kozylin.com
Kamientary