«Biudžetnikam jašče možna, što tyčycca pramysłovaści — nie».
Pieršy namieśnik ministra ekanomiki Biełarusi Alaksandr Jarašenka vystupaje suprać aŭtamatyčnaj indeksacyi rostu zarobku ŭ krainie.
«Pryncypovaje vyrašeńnie pytańniaŭ inflacyi ŭ krainie heta toje, što pradukcyjnaść pracy pavinna apiaredžvać zarabotnuju płatu.
Biudžetnikam jašče my možam indeksavać zarpłatu, jany pracujuć na dziaržavu i dziaržava apłačvaje ich pracu, što tyčycca pramysłovaści — tut tak nielha.Majo mierkavańnie — nie treba i niamožna indeksavać zarobak», — zajaviŭ A.Jarašenka, vystupajučy na pasiadžeńni Nacyjanalnaha savieta pa pracoŭnych i sacyjalnych pytańniach u piatnicu ŭ Minsku.
Jon padkreśliŭ, što «pavyšać ceny aŭtamatyčna, kab padtrymać svaju ekanomiku, — heta šlach u nikudy». Takim čynam A.Jarašenka adkazaŭ na pytańnie udzielnikaŭ Savieta ab tym, čamu zakupačnyja ceny na sielhaspradukcyju hetak istotna adroźnivajucca ad koštaŭ na charčovyja tavary, i što treba zrabić, kab urehulavać hetaje pytańnie.
Pavodle słoŭ pieršaha namieśnika ministra, u Biełarusi ŭ 2012 hodzie realny zarobak pavinien vyraści na 4,2%.
A.Jarašenka adznačyŭ, što ŭ 2012 h. budzie praciahnuty rost sacyjalnych tranśfiertaŭ — piensij, stypiendyj i dapamoh. U pryvatnaści, płanujecca vyrablać pieraraźliki piensij, 3viazać pamiery dapamoh pa naradžeńni dziciaci ź siaredniaj zarabotnaj płataj i dyfierencavać ich u zaležnaści ad uzrostu baćkoŭ.
«Čym chutčej my ŭtajmujem inflacyju, tym chutčej vierniem ekanomiku ŭ toj rečyšča, u jakim jana pracavała raniej», — skazaŭ A.Jarašenka.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary